Ki pulit ka Ri Bhoi District kiba dang trei shitom ban pynduh jait ia u drok bad ban leh da kaba tyngeh pyrshah ia kito kiba khaii ia u ne u jingdih beaiñ, ha ka jingtalasi kaba la pynlong ha ka 2 tarik Jymmang ha ka por 9:45 eiei ki la ioh ban kem noh ia 3 ngut ki nongkhaii drug na u surok bah NH-06 hajan ka shnong Nongthymmai, Umsning.
Katkum ka khubor ba la ioh lum, la iathuh ba ki pulit ki la ioh jingtip halor ka jingthmu ban leit shalan drug sha Shillong da u nongshalan ba la tip kyrteng kum u Wellborn Khongjoh ba ju khot sin Bull lem bad arngut kiwei pat, kumta marmar ki pulit ka Ri Bhoi DEF ki la pynlong da ka jingkhynra ha ka thaiñ Umsning bad hadien katto katne por la ioh ban bat ia kawei ka kali Maruti Baleno kaba don ia u number ML 05 AB 9902 katba ki dang thmu ban kiew na Nongpoh sha Shillong.
Hadien ha la iohkem ia kine ki 3 ngut kiba shalan drug ki pulit ki la ioh ban kurup ruh ia u drug heroine ba khia 10.9 grams. Kitei kiba la shah kem, ki kynthup ia u Wellborn Khongjoh ba na Kynjoin Umran, Ri Bhoi District, u Fedrick Kharkrang, bad u Pascal Kharkrang kiba na ka shnong Shangbangla, Ri Bhoi District ia kine baroh 3 ngut la kem bad la pynngat ia ki katkum ka kyndon ain.
You may also like
-
Hukum ka Meghalaya HC ïa ka KHADC ban thung biang ïa u Ainam Manik kum u Syiem ba pura ka Hima Mylliem
-
Hapdeng ka jingiphuh kut ka shad Behdeiñkhlam ka Seiñraij Ialong
-
Hadien 2 bnai, ïaid biang ki kali harum Laitlyngkot, buh pulit ban shngaiñ ki paidbah
-
Kren kyllaiñ u CE ia ka T.336 klur ba pynbna u Mntri na bynta ka skhim JJM:KJGC&SA
-
Shi taïew ai por ka KSU ïa ka tnat Urban Affairs, pynap da ka jingïakhih ba tyngeh