U Nongialam ka Liang Pyrshah u Dr Mukul Sangma ula byrngem ban pynlong jingiakhih pyrshah ia ka Sorkar Jylla lada ka ai ban pyniaid ia ki riewshimet ia ka Tura Medical Kolej.Haba kren shaki lad pathai khubor u Mukul ula ong, ba kane ka rai ka long pyrshah ia ki paidbah namar kan sa ktah jur lashai la shisngi. “Nga kyntu ia ki paidbah ban iasnohkti lang bad nga ha ka jingiakhih namar ngan sa pynlong ia ka jingiakhih bad ngan sa iakren bad ki nongshong shnong bad ngin sa dawa ia ka Sorkar bad lada ka Sorkar kam shim ia ka rai kaba dei, ngin hap ban pyniaid shakhmat ia ka jingiakhih” la ong u Dr Mukul.
U Dr Mukul ula pynkynmaw ba ka jingthmu ban seng ia ka Tura Medical College kum ka College Sorkar ka long na bynta ka jingmyntoi ki samla pule jong ka Jylla.Ula bynrap ka don ka jingiather bak-ly-bak hapdeng ka kam sorkar bad kam shimet. “Ki kam shimet ki ju pyniaid ia ki kam da kaba thung bad beh briew kaba mut ba kam don satia ka jingshngain ia ki nongtrei ban ioh kam ha ki kam shimet” ong une u Nongialam ka Liang Pyrshah bad bynrap “Ym tang katta ba phi sdang da ka PPP mode katba hadien phi pynkylla sha ka kam shimet ba pura”.
Ula ka Sorkar ba kan sngewbha ban pynsangeh noh ia ka jingai ban pyniaid ia ka kolej sha ki riew shimet, ka dei ka pynkylla ia kane ka rai mardor .
You may also like
-
Pynbna u Bah Prestone ban shna surok sha Mawkhap-Nongjri Wahskong
-
Pyni riam tynrai Khasi Jaintia bad Garo ha Paris
-
Thut ka rukom sam um ba bthei ki Pipe ba trei torti ka NHIDCL, kynnoh u Myntri
-
Yn buh kamera CCTV sa 20 tylli ki shnonng nalor ka Mawlai Mawroh
-
Tar hi u MDC ia ka plastik ïong na ka ïit kali ba shah rah ha Police Station