U Nongialam ka Liangpyrshah u Dr Mukul Sangma u la ban jur ba ka Sorkar ka dei ban pynthikna ba u pud u sam ka Jylla bad ka Ri Bangladesh um dei ban long laitlan. Kane ka jingdawa u Nongialam ka Liangpyrshah ka dei namar ka jingiai don ka jingïakynad hapoh Bangladesh bad ka jingsdang pyntreikam ka Sorkar India ia ki kyndon ba khlain ban tehlakam ia ka jingkhaii tuh ha ki thain khappud.
Haba pynpaw ïa ka jingsngewkhia halor ka jinglong jingman ki thain khappud bad ka Ri Bangladesh, u Dr Mukul u la ong “Ia kita baroh ngi ka ju kren bad ka Sorkar India bad ngi ban jur ruh iaka Sorkar Jylla ban shimkhia ban pynthikna ba u pud u sam ka Jylla um dei ban long laitlan khnang ban shngain ki nongshong shnong jong ka Jylla”. U Dr Mukul la kdew ruh ba ka jingkhaii tuh ha u pud u sam jong ka Jylla khamtam hadien ka jingiai bteng ka jingïakynad hapoh ka Ri Bangladesh bad u la ong ba kane ka buh jingma iaka jinglong jingman hapoh ka Jylla.
“Ka Sorkar India ka dei ruh ban bthah tyngeh ïa ki Sorkar jylla kiba marjan bad ka Bangladesh ban shim khia bad pyrkhing ia ki thain khappud ban shngain ki paidbah” u la ong. Nalor kane u Nongialam ka Liangpyrshah u la pynpaw ruh ba ka Dorkar India ka don ka jingkitkhlieh ban peit ia baroh ki mat kiba iadei bad khappud ban ai jingshngain iaki paidbah.
You may also like
-
Ka jingleit iasoh BJP 8 ngut ki MLA UDP ka lah ban wanrah jingkylla ia ka sain hima ha Jylla
-
Ther u Sosthenes Sohtun ba kynnoh ïa ka Meghalaya ba shlei um ka Assam
-
Shong Kyllain Mungor ki nongtrei PM Poshan, dawa pynkiew bainong
-
T.344.4 klur mang ka sorkar ban iada ki tyllong um ka Wah Umiew bad Ganol“Ka project ban myntoi ki nongshong shnong”
-
Leit jngoh u Myntri ia ka shnong Maikhuli Bthah ia u DC ban iakren bad ka Assam ban wanrah shongsuk hapdeng ki ar District