Ka Leh Niam ka Raid Mylliem da U 5 Kur 11 Kur ha ryngkat ki khun ki hajar ka Raid Mylliem, kaba ju long bad sdang ha u bnai Rymphang man la u snem, naduh mynhyndai hynthai da ki Longshwa Manshwa kaba ju sdang na Mawnarian ha ki arsngi bad bud pat ka shisngi ha Lum Shulong ha ka sngi kaba Lai, nangta bud sa ka shad Niam ba Lai sngi kynthih hadien ba la dep ka Niam na Lum Shulong, ka long ka leh Niam kaba kypang bad kyntang ha ka Raid Mylliem na ka bynta ban ai nguh ia la U Blei Kynrad halor ka jingkyrkhu jong U ban da ban ker ki Lei Ryngkew Basa ia ki Khun ki hajar ka It ka Hima ban biang ban bit ha ka imlang sahlang ha baroh ki liang, ka synshar khadar kaba suk ba sain naduh Bisi haduh Bhoi Rymbong.
Mynta u snem da ka jingshim khia u Lyngdoh bakhlieh ia ka Raid lem bad u Myntri Syngteng Nongdhar bad u 5 kur ba shong lyngknot na ki khun ki hajar kiba don ka jingkit khlieh, ki la shim ia ka Lyngkor ban leh ban pyndep ia ka Niam Raid hadien ba ki katto katne ki Myntri badei ban leh ia ka Niam kim shim la lah ban leh mynta u snemia ka Niam kumba ju dei ban long man la u snem ha poh ka Raid Mylliem ka badei ka bynta ba kongsan hapoh ka synshar Niam jong ka Raid.
Kumta ka jingleh niam jong ka Raid Mylliem ka la sdang mynta ka sngi ka 24 tarik Jymmang bad haduh 29 Jymmang 2025.
You may also like
-
Lyngba ka CM-Connect la lah ban pynbeit 5 hajar duna na palat 7 hajar ki jingud paidbah
-
Kylla rong lieh ka surok ha Langñiuh, ïam sngewsih ki nongrep
-
U pa ieid ba 104 snem bad ki skul pynkup burom kyrpang ka Riwar Mihngi Local Dorbars
-
Ym lah ngeit ka Hima Nongkhlaw ban don 10 hajar ki Garo ba long shipai ia u Tirot Sing
-
Ther ka JAC ia u Bah Paul, ka jingkren ba ym dei ban iam ne jaw umat ka dei ka jingthombor