Rakhe ka CBC Shillong ia ka WED, da ki jingiakop shna jingshna bad thung dieng

Kum ka jingrakhe ia ka World Environment Day 2025, ka Central Bureau of Communication (CBC), Shillong hapoh ka Tnad Information & Broadcasting, Sorkar India, ka la pynlong ia ka prokram pynsngewthuh kyrpang ha ka skul St. Francis D’Assisi School, Umbir, Ri Bhoi mynta ka sngi. Ka jingïalang ka pynleit jingmut halor ka jingkyntiew ïa ka jingpynnehpynsahïa ka mariang, ka jingpynsngewthuh shaphang ka jingbam ba tei met, bad ka jingïashim bynta jong ki samla pule lyngba ki jingïakren bad ki jingïakop shna jingshna. La sdang ia ka sngi da ka jingthungdieng, ha kaba ki khynnah pule, ki samla NCC, ki nonghikai, bad ki nongshah khot sngewbha ki la thung ïa ki diengsoh hapoh phyllaw jong ka skul. Kane ka kam ka pyni ia ka jingkut jingmut ban sumar ia ka mariang, ban pynkhlain ia ki campaign jong ka ri kum ka EkPedMaaKeNaam bad ka Swachhata Hi Seva. U Bah HeipormiPapang, District Agriculture Officer, Umsning Block, u la kren shaphang ka phangpdeng jong ka World Environment Day mynta u snem, “Beat Plastic Pollution.” U la bataiia ka jingktah jong ki jaboh plastic, naduh ka jingpynjakhlia ia ki um bad ka jingpynsniew ia ka khyndew haduh ka jingma ia ki mrad ki mreng bad ka jingrung sha ka jingbam jong u briew lyngba ki microplastic. U Bah Papang u la kyntu ia ki samla pule ban pdiang ia ki rukom im kiba rithynrei kiba ryntih kiba pynduna ia ka jingpyndonkam ia ki plastic bad ban kyntiew ia kiwei kiwei ki lad kiba iaineh. U la pynshlur ruh ban thung dieng ha ka kyrteng jong ki kmie jong ki hapoh ka campaign EkPedMaaKeNaam, da kaba pynïasohlangïa ka jingtreikam na ka bynta ka mariang bad ka jingai burom.

Ka Nutritionist Kong Dari Shylla ka la batai bniah ïa ki thong jong ka PoshanAbhiyan, ka skhim ai jingbam ba tei kaba kyrpang jong ka India kaba buh thong ïa ki khynnah, ki longkmie ba armet, bad ki longkmie ba dang ai buin. Ka la pyniadeiia ka jingbym biang ka bam bad ka jingpynjot ia ka mariang, da kaba kdew kumno ki jingbam bym tei met, ki jingsong plastic, bad ka jingduh noh ia ki jingbam tynrai ki nohsynniang sha ki jingeh ha ka koit ka khiah bad ka jingjakhlia. Ka la pynshlur ban pdiang ia ki jingbam tynrai, ki soh kiba lah ban ioh katkum ka aiom, ki kper, bad ki rukom ba lah ban pynnehpynsah ban iarap ban ioh ia ka “Suposhit Bharat” — ka ri India kaba la biang bha ha ka jingioh ia ka bam kaba tei. U Brother Biju Jose, Principal jong ka Skul St. Francis D’Assisi u la pdiang sngewbha ia ka jingiatreilang jong ka CBC Shillong bad pynpaw ia ka jingkongsan jong kum kine ki prokram ha kaba kyntiew ïa ki samla pule kiba don ka jingkitkhlieh bad kiba tip ïa ka mariang. U la pynshlur ia ki ban pynskhem biang ia ka jingkut jingmut jong ki ban iada ia ka pyrthei da kaba pynnehpynsah ia ki jingdon jingem bad ban kyntiew ia ka jinglong kaba iaineh — ym tang ha skul, hynrei ha man la ki bynta jong ka jingim jong ki kaba man ka sngi. Ka quiz, ka art, bad ka jingiakop ‘Waste to Art’ ka la pynshlur ia ka jingpyrkhat thymmai halor ka jingjaboh lyngba ki plastic, ka jingpynnehpynsah, bad ki phang ba iadei bad ka jingbam kaba tei. Ki samla pule ki la pynsngewtynnadïa ki nongbishar da kaba pynkylla ïa ki jaboh sha ki jingdro ba don jingmut kiba ïadei bad ka mariang. La pynkup burom ia ki nongjop da ki syrnot bad ki khusnam.

U Gopajit Das, Assistant Director, CBC & PIB Shillong, u la ban jur ïa ka jingktah jong ka jingjaboh lyngba ki plastic ha ka jingim ba man ka sngi bad u la kyntu ïa ki samla pule ban kyntaitïa ki plastic ba pyndonkam tang shisien bad ban pdiang ia ki rukom im kiba kham khuid. U la ai khubleiia ki sienjam jong ka skul bad ia ka jingiashim bynta shitrhem jong ki khynnah skul. Ki samla pule, ki nonghikai, bad ki ophisarsorkar ki la iasnoh kti lang ha kawei ka jingbamsmai — da kaba pynskhem biang ia ka jingkut jingmut jong ki ban tei ia ka lawei kaba khuid, kaba koit ba khiah bad kaba lah ban iaineh.