Ka MSFC kan pynthikna ban ym don uwei ruh ban iap thngan: DP Walang

U Chairman ka Meghalaya State Food Commission (MSFC) u Bah DP Wahlang (IAS) ula ong, ka Commission ka kynduh bun ki jingeh ban pyntreikam ia ka skhim Food Security ha kiba bun ki tnad treikam ka sorkar jylla, kum ka tnad sam marbam ba peit ia ka Public Distribution System (PDS) ka tnad pule puthi ba peit ia ka skim PMPOHSHAN bad ka tnad Social Welfare kaba sam marbam ia ki khynnah ha ki Aganwadi centre.

Haba kren kum u kongsan ha ka jingialang ha Rongjeng, East Garo Hills, u bah Wahlang ula ong,

“Ka kam jong ka Commission ka long ban pynthikna ba yn ym don uwei ruh ha jylla ban iap thngan ne iaid khlem bam” la ong u bah ha ka jingialang ha Rongjeng, East Garo Hills.

Kumjuh ula pynpaw ki lad jingmyntoi na ka skhim Food Security bad kyntu ia kiba ioh jingmyntoi lada ki kynduh jingeh ban wan ujor sha ka Commission kan iarap ban pynbeit ban pynthikna kiba dei hok kim dei ban duh ia ki skhim sorkar.

Ia kane ka jingialang ban pynshai paidbah halor ka skhim Food Security Act, la pynlong da ka ophis u Sub-Divisional Civil Rongjeng ryngkat ka jingiatreilang bad ka Meghalaya State Food Commission ha ka 15 tarik Jymmang. Ha kane ka sngi la donlang u Dr M Tyngkan dkhot ka Commission, u IW Ingty (IAS) Member Secretary, Deputy Commissioner, East Garo Hills bad kiwei ki ophisar.