Ka ophis treikam jong ka Meghalaya Rural Bank ha Patharkhmah, Ri Bhoi District kam biang satia namar ka khim palat bad ki paidbah ba leit donkam ki hab ban shu ieng lain hapoh bad habar khamtam ha ki sngi Iew Patharkhmah ba bun ki nongwan donkam ki shem jingeh ki paidbah ban pyndep kam ha ka por ba biang shwa ba leit phai sha shnong.
U nongthoh khubor ula lap da lade dang shen ia ka jinglong jingman ka ophis MRB Patharkhmah, kaba la pynsyrtok shi katdei ia ki paidbah ka thain kiba leit donkam ne ban sei bad thep pisa, khamtam ki nongkyndong haba ki leit ki bah ryngkat ki khun la isynei ban peit baki paidbah ki ialum barit palat ka ophis.
Ki paidbah ki la pynpaw ba ki kynduh jingeh namar ka jinglong jingman ka ophis jong ka MRB Patharkhmah bad ki kyntu ia ki bor ba dei peit ban wad da kawei ka ophis ne ban thaw lad kumno ban pyllait ia ka jingkhapngiah, nalor ka ATM ne ka machine ban update ia ki pass book ki buh hapoh bad kane ka nang pynjakhom shuh shuh ia ki paidbah. Kumta, na bynta ka jingbit jingbiang lang ki paidbah la donkam ia ka ophis ba kham kylluid bad kane ka iarap ruh ia ki nongtrei ban pyndep kham kloi ki kam.
You may also like
-
Ka Mawlong Nongtluh Weaving Center kan ai jingkyrshan ïa ki nongthaiñ jaiñ ka thain
-
Byrthen ïakhih ka KSU lada ym urlong ki 5 tylli ki mat jingdawa, kynthup ban pyndam ïa ka public hearing ka Shree Cement
-
Hukum ka Meghalaya HC ïa ka KHADC ban thung biang ïa u Ainam Manik kum u Syiem ba pura ka Hima Mylliem
-
Hapdeng ka jingiphuh kut ka shad Behdeiñkhlam ka Seiñraij Ialong
-
Hadien 2 bnai, ïaid biang ki kali harum Laitlyngkot, buh pulit ban shngaiñ ki paidbah