Ka Sonam bad u Raj ha along ryngkat ki 3 ngut

Hadien ka jingtohkit ki pulit ka Sonam Raghuvanshi bad u Raj Kushwaha kin shah tohkit 13 sngi ha ki Magistor (Judicial Custody) katkum ka hukum jong ka Iingkashari District & Session Judge halor ka jingdonkti pyniap ia u Raja Raghuvanshi.Ka jingpan por ki pulit ar sngi ban tohkit ia ka Sonam bad u Raj ka la kut, kumta la pynngat lang ia ki ryngkat ki 3 ngut ba shah kynnoh donkti pynïap ïa u Raja Raghuvanshi ha ka (Judicial Custody) ban set along ia baroh san ngut.Ia ka Sonam bad ia u Raj la wan ialam na Sardar Police Station sha District Session Court ha ka por 5:15 janmiet ban shah tian bishar.

Ha shuwa kane la ioh jingtip ba ki Pulit ki la rah iaka Sonam na Sardar Police ban phah Medical Check-up ha shuwa ban rah sha Iingkashari.Na ka liang u Assistant Public Persecutor u Tushar Chanda ula pyntip ïa baroh 2 ngut kiba shah kynnoh donkti ban pynïap ïa u Raja Raghuvanshi ki la shah tian bishar hapoh ka Iingkashari District & Session Judge.“Ïa baroh 2 ngut la ïalam mynta sha Iingkashari District & Session Judge bad ka Iingkashari ka la bishar bad ka la pynngat 13 sngi ha ka Judicial Custody ïa baroh 2 ngut” la ong u Tushar Chanda.

Haba kylli u Assistant Public Persecutor ula ïathuh ba ki Pulit ki khlem pan por shuh ban tohkit biang ïa baroh 2 ngut hynrei lada donkam, ki Pulit ki lah ban pan por biang.