Ka Khasi Students Union Namdong Area Unit ha ka sngi Saitjain ka 12 Naitung 2025 ka la pynkup burom ia ki samla pule ka thain kiba pass bha haki kyrdan bapher bapher jong ka matrik (SSLC) bad klas 12 (HSSLC) bad ban pynrung dkhot thymmai. Ha kane ka sngi u Samla Erick A Nongkynrih Sports Secretary KSU CEC u la long u Kongsan ha kaban shim ia ka bynta ban pyntian Smai ia ki dkhot ki ba pyniasoh sha ka KSU Namdong Area Unit. Ia ka jinglang la pyniaid da u samla Juhhi Tariang,General Secretary KSU Namdong Area Unit bad la ioh ia ki kyntien maitphang na u samla Kitboklang M Lamare President ka KSU Namdong Area Unit. Ha kane ka sngi la wan sakhi lang ruh naduh ki nongialam ka CEC, u samla Shaining Kharbihkhiew, Environmet Secretary KSU CEC, samla Alecrick Kharjana, Assistant Office Secretary KSU CEC, ki Nongialam ka Nartiang Circle u Samla Chanbor War President ka KSU Nartiang Circle, ki Nongialam ka District samla Laitphar Syngkrem President KSU West Jaintia Hill District Unit, samla Leningrad Tariang, General Secretary KSU West Jaintia Hill District Unit, samla Ladaplin Hayong President KSU Girls Wing West Jaintia Hill District Unit bad kiwei de ki nongialam District.
La iadon lang ruh ki nongialam ka FKJGP naduh u samla Nangkhrawbor Rani General Secretary FKJGP West Jaintia Hill District bad ki Nongialam Raij Ma Lambor Lyngdoh Waheh Raij Namdong bad kynthup ia ki Waheh Shnong ka Thain. U Waheh Shnong ka Namdong B u Ma Damian S War u la long u Symbud Kongsan. U Ma Dawan Lyngdoh ha ka jingkren jong u u la kubur ba na ka thain ka don kam ia ka jingnang jingstad bad ka donkam ruh ia ka Higher Secondary. U samla Erick Anthony Nongkynrih u la shim iaka bynta ban pyntian smai iaki dkhot ba thymmai bad haba ai jingkren u la ong haduh mynta ka jaidbynriew ka dang duna kiba trei haki kyrdan baheh kum ki SP bad DC, kumta ka KSU kala wad ia shibun ki lad ki lynti ban iarap ban kyrdan iaki samla naka bynta ban phah pule haki kyrdan baheh kum ka IPS bad IAS.
Ha katei sngi la ioh ruh ban sam khusnam sha ki khynnah pule ka thain kiba leh bha haki exam bapher bapher kaba latip ka 5th Maitshaphrang Academic Award. La pynkup burom ruh iaki waheh shnong ka thain kum ka dak ka jing sngewnguh iaka jingiatrei lang.La pynphuh pynphieng ia kane ka program da ka jingshad tynrai naki samla naka Shnong Mukhnang bad naki samla naka Shnong Namdong.
You may also like
-
10 sngi ai por ban jurip ka tnad Tnat Urban bad DS Laitumkhrah
-
Ïaroh u Bah Hamletson ïa ka skul Lawsohtun Presbyterian ia ka jingshakri ha ki 75 snem ban ai jingstad ïa ki khynnah
-
Ther u Dr. Mukul ïa u MLA barim Mominin ba ki la shah ban thep kyrteng ban ïakhun MDC
-
Hadien 14 snem urlong ka Seinduli PHC, jurip u MLA Mawshynrut ryngkat ki Engineer
-
Wan nyngkong ka Meghalaya ha ka Ri ban kynjoh 86 percent ki skul ba lait na u duma