Ki shipai iada khappud Border Security Force (BSF) ki la ioh kem 26 ngut ki nong Bangladesh ba thmu rung sha India lyngba ki thain khappud na West Garo Hills. Ka kywroh naki shipai BSF ka kdew ba hadien bala ioh jingtip ba thikna ki shipai 22 Bn BSF kila pynlong ka jingap shrip ha Matchokpara on Hill Road bad kila ioh bat 3 tylli ki kali ba wan naka thain Purakhasia ban leit sha Barengapara lyngba ka surok State Highway-12.
La iathuh ba hadien bala ioh bat iaki 3 tylli ki kali, la lap ba ki don 26 ngut ki nong Bangladesh kiba la wan poi sha Meghalaya lyngba ka jingiarap 4 ngut ki nong India. Haba iadei bad kane naka liang ki shipai BSF kila ioh ruh ban kem ia 4 ngut ki nong India kiba iarap iaki nong Bangladesh ban wan kiew shapoh ka Jylla lyngba ki thain khappud.
“Ka jinglah ban pynpulom bad ka jingioh kem iaki nong Bangladesh bad kumjuh ruh iaki 4 ngut ki nong India kiba donkti ban iarap iaki ban poi shapoh ka Jylla ka pyni iaka jingskhem nongrim ki shipai BSF ban iada ia u pud u sam ka Jylla bad ka Ri” la ong ka kywroh naki shipai BSF.
You may also like
-
Iathir ki heh shipai Assam Rifles ban pynkhlain bad pyntbit ia ki shipai
-
Mynsaw ki khynnah skul ba kyrwit u phria bad erïong ha Jakhong
-
Kan poi ka por ngin ialeh thma na bynta ka um lada ngim iada ia ki tyllong um:DC
-
T.4.61 klur mang ban tei ia ka R&D Centre ha State Food Testing Laboratory Laboratory
-
Ka Meghalaya ka duna ki ‘Doctor Specialist’, ngi don tang 30 percent: Wailadmiki Shylla