U Myntri ka tnat bording u AT Mondal hynne ka sngi ula kular ba un sa shimkhia ban khmih ia ka jingkiew ka bill jong ki smart meter hapoh ka Jylla. Ïa kane u Myntri ula pynpaw hadien ka jingiakynduh ia ki nongialam ka KSU Nongmensong, kiba la leit pynsngew ia ka jingsngewkhia halor ka jingkiew ka bai thang Bording hapoh ka BSUP Housing Complex Nongmensong. Haba kren shaki lad pathai khubor u Mondal ula tyrwa ia ka lynti ba phah tohkit ia kane ka jingkiew bill da kaba pyndait ia artylli ki meter marjan khnang ban lah pyniapher ia ka jingshna bill bai bording. “Ki smart meter ki dei kiba la buh da ka Ministry of Power bad baroh ki Jylla kila pyntreikam ia ki smart meter bad kumta ngi ruh ngi donkam ban pyntreikam ia ki smart meter. Ka jingkylli halor ka jing shna bill ba heh ka donkam ban hap peit bad lada donkam ngi lah ban pyndait ia artylli ki meter mar khap uwei ia uwei pat ban iohi ba kumno ka jingiapher ka mih. Kumta ia kane ka kam ngin sa khmih bniah bha” la ong u Mondal.
U Mondal u la ban jur ba ki smart meter ki dei kiba la pyntreikam ha baroh kawei ka Ri ban tehlakam ia ka jing phah bill ba bakla, ka jingpynheh ia ka bill bad ka jingpynslem ia ka bill Ula kular ba ia kane ka kam yn sa iakren bad u Chairman & Managing Director (CMD) ka Meghalaya Energy Corporation Limited (MeECL) hadien ka jingwan phai na Delhi bad un sa pyrshang ruh ban pynbeit ia kane ka kam ha ka taiew ban wan.
“Mynta ka taiew, ngan leit sha ka jingialang jong ka North Eastern Regional Power Committee (NERPC). Kumta ha ka taiew ban wan, ngin sa pyrshang ban pynbeit noh ia kane ka kam” ula ong. Ha kajuh ka por, u Myntri ula pynpaw ba ia ki smart meter un sa pyndait noh da ki wat ki wat ha kylleng ka Jylla.
You may also like
-
Kynduh ka ka FKJGP ïa u SDO ba sniew palat ka surok Baridua-Killing
-
Ka AI Job Fair ka thong ban wanrah jingkylla ia ka Meghalaya sha ka ‘AI Valley’
-
Ka MeghGo App kan iarap ia ki nongniah kali bad ki paidbah nongleit nongwan
-
Hiar kynsan ka Helikoptar ha Kongripa, ioh shon dur ei ki longkmie bad Pilot
-
Ha kajuh ka jaka lah ban rep bun ki jingthung, kamai T.8 lak u nongrep jhur ha Garo Hills
