Ki trai shnong tang 20 % ruh kim ioh kam

Ka seng ki nongñiah trok bad trai trok ka Jylla ba tip kum ka Meghalaya Commercial Truck Owner and Driver Association (MCTO&DA) Jaiñtia Hills Unit, hynne ka sngi kila shong jingialang ha Infinity conference hall Jowai naka bynta ban pyrkhat iaka kam kit kam bah kumjuh ruh ka dor ka mur haki kharkhana pynmih cement, clinker bad coke hapoh ka Jylla namar ba wat hadien bala don ka rai ba kila ia mynjur lang hakhmat u DC ka East Jaiñtia Hills District ruh kine ki Kharkhana pat kim shem la pyntreikam haduh mynta.

Hadien ka jingialang na ka liang ki nongialam jong kane ka seng ba kynthup ia u Ardonki Talang, Adviser MCTODA Jaintia Unit, u Kmen Myrchiang Member MCTODA ki ong ba kum ki nongshong shnong ka Jylla ki kwah ban ioh bynta lang haka jingia bylla kit ia u mar ba mih napoh ka Jylla bad ruh haka dor ba biang kumba la buh daka sorkar naka bynta ka bai kit hapoh ka Jylla, hynrei ki kharkhana pat kim pat pdiang ne pyntreikam lane ai kano kano ka jubab.

Ha kane ka jingialang ki ong ba ki la shim ia ka rai ba lada ka jingdawa jong ki kam seisoh hapoh une u bnai kumba ki la ia beit lang ki lah ban shim ia ka rai ban pynlong syndon da ka jingiakhih. Ki ong ruh ba jingshisha katkum ka jingiateh soskular ki kharkhana bun hi na ki kam ki dei ban ai sha ki nongshong shnong ka thaiñ hynrei tang 20% ruh kim ioh kam.Kumta ki kyntu ia ka sorkar kumjuh ki trai kharkhana cement ba kin shimkhia bad burom ia kaei ba ki lah iakren bad iarai lang.