Kum shibynta ka World Physiotherapy Day ba juh lehkmen ha kylleng ka pyrthei ha ka 8 tarik u bnai Nailur, na ka liang ka North East Adventist University Khliehryrshi ruh mynta u snem lyngba ka tnat Physiotherapy ka la shim ia ka bynta ban kynmaw burom ia kane ka sngi hynnin ka 08/09/2025. Sngi bynta kane ka jinglehkmen na ka liang ka North East Adventist University ka la pynlong da ka jingpynsngewthuh paidbah halor ki lad jingsumar Physiotherapy lyngba ki jinglehkai skit, ki jingkilan met da kaba shad, nalor ba ki ai jingiarap ruh lyngba ki lad jingsumar shaki briew ba donkam jingiarap ne kiba pang shitom.
Ka phang jong ka World Physiotherapy Day mynta u snem ka ong ” Healthy Ageing” ha kaba ki Physiotherapist kin iatreilang ryngkat ryngkat ban pynsngewthuh ia ki paidbah ba watla ha ka rta ba la noh ruh hynrei ka jingkoit jingkhiah ka long donkam beit, nalor ban long smat long sting bad leh ia kiei kiei ba don jingmut, namar ka jingdon ia ka rukom im ba koit ba khiah ka lah ruh ban pynduna ia shibun ki jingpang.
Lyngba kane ka jinglehkmen World Physiotherapy Day ka North East Adventist University, haduh kumba 20 ngut ki longkmie longkpa ba la noh ka rta kiba la ioh jingmyntoi.
You may also like
-
Lap i’u rangbah ba sdien phasi ha dukan, suba kiba haiing ba shah pyniap
-
Ka Sorkar ba ialam ka NPP kam ju pyndonkam bakla ka bor pyrshah ia ki paidbah
-
T.400 klur na bynta ban pyntrei ia 53 tylli ki project ha Garo Hills
-
Ka MSFC kan pynthikna ban ym don uwei ruh ban iap thngan: DP Walang
-
Sdang ka DREAM na Shillong ban lum jingkhein ia ka jingdon nongdih drok