Plie u Bah Sanbor Shullai ia u Mot Tirot Sing ha Lumshatsngi Laban

U Myntri ka tnat Arts and Culture u Bah Sanbor Shullai hynne ka sngi ula kyntu ia ki khun samla ka Meghalaya ban pule ia ki kot ban tip kham bniah shaphang ka histori jong ki khlawait ba pawnam jong ka Jylla.

Ia kane u Bah Sanbor ula kren haba plie paidbah ia u motdur ba shirynieng jong u Tirot Sing Syiem ha Lumshatsngi Laban.

Haba kren ha ka jingialang u Bah Sanbor ula iathuh ba hadien ka jingiohi ba ka don ka jaka Sorkar ba rit ha Lumshatsngi ula lum ka jingialang bad baroh ban tip, kumno ban lah ban pynitynnad iaka jaka.

“Ngi la thoh sha ka ophis Deputy Commissioners bad executive engineer PWD ban ai NOC iaka Raid Laban Sports Social and Cultural Organization Club ban ioh pynieng ia u motdur ba shiryneng jong u Syiem Tirot Sing” la ong u Bah Sanbor.

U Bah Sanbor ula iathuh ruh baka Raid Laban Sports Social and Cultural Organization Club kala hap ban pan jingbit kyrpang naka ophis Syiem ka Hima Nongkhlaw ban ioh pynieng ia u motdur ba shiryneng jong u Tirot Sing Syiem.

U Bah Sanbor ula ong ba ka Raid Laban Sports Social and Cultural Organization Club ka phah ia ka khubor khamtam ia ki samla ba ki dei ban pule ia ka history jong ki khlawait jong jong ka Jylla u Tirot Sing Syiem.

“Nalor ki kot kiba phi pule ha ki skul bad college, phi dei ban pynlut por ban leit sha State Central Library bad ban thied ia ki kot pule namar haba ngi ia khana bad ki khun samla bun kim da tip shaphang ka Histor jong ki khlawait jong ka Jylla” ula ong.

U Bah Sanbor ula ong ba ka jingpynieng ia u mutdur ba shiryneng jong u Tirot Sing Syiem kam dei tang ban kynmaw burom shisngi hynrei kan dei naka bynta ka lawei ka ban sa wan junom la junom khnang baka kyrteng bad ka nam jong u kan iai sah.