U MDC shimet na Rambrai Constituency u Bah Lurshai Kharbani un pyniasoh noh ia lade sha ka NPP ha ka 13 tarik Nailur ha ka jingïalang ha Vann Hall Nongkroh, Rambrai, West Khasi Hills. Da kane ka jingwan iasoh u MDC Rambrai ka National People’s Party (NPP) kan kiew 5 ngut ka jingdon ki MDC ha Khasi Hills Autonomous Distruct Council (KHADC).Haba pyntip u Working President ka NPP u Bah Hamlet Dohling ula ïathuh ïa une u MDC shimet yn pdiang burom da u State President ka party, Bah Prestone Tynsong ba dei ruh u Symbud Myntri Rangbah ka Jylla nalor kiwei ki nongïalam ka party.
Kumban shu pynkynmaw, ka NPP ha u bnai ba la dep ka la pynduh noh shwa ïa ka bor treikam jong ka NPP Rambrai bad la khmih lynti da ka jingwan pynïasoh jong u Bah Lurshai Kharbani yn sa pynthymmai biang ïa ka jingtreikam jong ka party ha katei ka constituency. Kumba long mynta, ka party ka don tang sawngut ki MDC ha KHADC kynthup ïa ka Kong Grace Khapuri na Nongshken, Bah Alvin Sawkmie na Mawsynram, Bah Sosthenes Sohtun na Jirang bad Kong Rona Khymdeit na Nongpoh.
Ki tyllong khubor ki iathuh kane ka dang dei ka jingsdang, namar ki don kiwei pat ki MDC kiba la ai ksai ban iasoh sha ka sem NPP.
You may also like
-
Shah Jyrwat skhor u Bah Paul ba kynthoh ia u nongialam naduh ba bujli Myntri
-
Kawang Petrol Bom ki runar ia ka ophis DMR, julor ka kali, hiar jurip u MR bad CS
-
Ngin rung BJP na bynta ka bha ka miat ki paidbah
-
Kyntait ki nongkyrshan NPP ia u Nelbi T Sangma kum u kyrtong, kynnoh ba leh ‘politik’ ki nongialam
-
17 tarik Risaw ka sngi khadduh ban pynrung kyrteng Electoral Roll, lah ban duh thep vote ki hajar ngut