U President ka United Democratic Party (UDP) u Bah Metbah Lyngdoh ula ong, ba kam don ka jingiapait ne iapher jingmut hapoh ka Party halor ka jingbujli myntri ha ka sorkar MDA ba la ialam da NPP. U Bah Metbah ula kren ia kane hadien ba u Myntri barim na ka Party u Bah Paul Lyngdoh u khlem wan sha ka jingialang pynbam smai ki Myntri Sorkar thymmai hynne ka sngi.
Ula ong ba ka jingpep u Bah Paul ka dei namar ba u dang bun kam ban pyndep namar mynta ka sngi ka dei ka sngi ba khatduh ïa u kum u Myntri Sorkar. U Bah Metbah ula ong, kam don kano kano ka daw ban pynhiar shuki ia ki 2 ngut ki Myntri sorkar na ka UDP hynrei ka jingbujli Myntri ka dei na ka bynta ban ai lad ban shakri ia ki paidbah bad ia ka Jylla. Ula ong ba ia ka rai ban bujli Myntri Sorkar la mynjur lang da baroh ki nongmihkhmat kynthup ki MLA bad MDC nalor ki nongkitkam ba rangbah jong ka UDP.
“Kam ju don ka jingiasam ban bat shuki Myntri Sorkar hapoh ka UDP hynrei kane ka jingbujli Myntri ka dei hadien ka jingiasngewthuh jingmut hapoh ka Party” ula bynrap.
You may also like
-
Ka MIRSS ka don ki kyndon ban tehlakam nongbylla bar Jylla: Methodius Dkhar
-
Markhmat bad ki paidbah iamir jingmut u Myntri halor ka skhim MHIS bad PMJAY
-
Paw ka Myriaw PHC na ka jingtrei shitom u Dr Raj Kamal Rabidas
-
Hiar ki heh UDP ha Jaintia ban pan jingkyrshan ia u kyrtong MP
-
Ki jingkiengjri ki sakhi ia ka jingstad ki longshwa ban pynneh ia ki dustur ryngkat ka mariang