Ka State Bank of India’s Regional Business Office, Region 1, kaba don ka shlem treikam ha Dhankheti-Shillong, ka la leit ba kan pynlong ia ka jingthung ia ki tynrai dieng bad soh ha u Lum Sohpetbneng, kaba long shi bynta jong ka Corporate Social Responsibility (CSR), bad kumjuh ban pynneh ia ka mei mariang bad kumjuh ia ki dieng ki siej. Ia kane ka program la pynlong mynta ka sngi, ka 24 tarik Nailur 2025, ha kaba la ioh ban thung kumba 3500 tylli ki tynrai dieng bad soh, bad ia kine ki tynrai baroh la pynbit pynbiang ia ki lyngba ka kper sara kaba la ai kyrteng M /s SUK Nursery, Nongmensong.
Ha kane ka jingiathung ia kine ki tynrai dieng bad soh, na ka liang ka SBI la wan ban mihkhmat da u Chief Manager bad Deputy Manager of SBI’s Regional Business Office, Region 1, katba na ka liang ka Seng Khasi Kmie, la lam khmat da u President bad General Secretary Rgh O. Pyngrope, Rgh Hainess Marbaniang, Chairman ka Lum Sohpetbneng Committee Rgh I. Sun bad ki dkhot ka JPK ka Seng Khasi Kmie.
Ha kane ka sngi ka la don ruh ka jingialang kaba lyngkot, ha kaba la ioh ia ki jingkren na ki nongmih khmat jong ka SBI bad Seng Khasi Kmie.
You may also like
-
Iathir ki heh shipai Assam Rifles ban pynkhlain bad pyntbit ia ki shipai
-
Mynsaw ki khynnah skul ba kyrwit u phria bad erïong ha Jakhong
-
Kan poi ka por ngin ialeh thma na bynta ka um lada ngim iada ia ki tyllong um:DC
-
T.4.61 klur mang ban tei ia ka R&D Centre ha State Food Testing Laboratory Laboratory
-
Ka Meghalaya ka duna ki ‘Doctor Specialist’, ngi don tang 30 percent: Wailadmiki Shylla