Ka Indian Council for Cultural Relations (ICCR) Shilong ryngkat ka jingiatreilang bad ka tnad Lariti ka sorkar Jylla ha ka 2 tarik Risaw ka la pynlong ia ka ‘India International Folk Festival’ bakhyndai ha nongbah Shillong bad la pynlong ia kane ka tamasa ha nongbah Delhi bad ha kylleng ka Ri.
Ha kane ka tamasa la wan ban shim bynta da u Hay Astger bad ka kynhun na Armenia bad Ziemia Bydgoska na Poland. Kane ka rynsan ka long kum ka jingkieng hapdeng ka Meghalaya, ka Armenia bad ka Poland ban pyninam bad pynneh ia la ka jinglong tynrai sha ka pyrthei.
Ka ka ICCR kum shibynta ban rakhe ia ka jingdap 75 snem ka ri kan iarap ia lai tylli ki kynhun na Jylla ba leit shim bynta sha kiwei ki Ri ka pyrthei, ka kynhun rwai kwaiar ba pawnam ka jylla ka Shillong Chamber Choir kan leit mihkhmat ia ka jylla bad ka Ri sha ka ‘Cultural Vibrancy’ ha London ha u bnai Nohprah, 2025.
You may also like
-
Da ki kor Digital yn lum jingkhein Khanasamari 2027, palat 8 hajar ki nongshim jingkhein
-
Shen yn iakren u Conrad bad u MR ka Assam ban sdang iakren pynbeit pud
-
Ka High-Speed Corridor ka jingkyrkhu ia ka Meghalaya khamtam ka Ri-lum Jaintia
-
Shimti u Raymond Kharjana kum u President, u Reuben kum u GS ka KSU
-
Kular u Myntri ka kit ka bah ban pyntreikam ia ka OTS ban map bai kot kali