Shim bynta u Lamphang ka Ïing Dorbar ha ka Commonwealth Parliament Conference ha Barbados

U Lamphang ka Ïingdorbar Thawaiñ jong ka Jylla Meghalaya, u Thomas A. Sangma u ïashim bynta ha ka jingïalang ka Commonwealth Parliamentary Association (CPA) ba 68 ha Bridgetown ka nongbah jong ka Barbados. Ia u Lamphang ka Iingdorbar la synran da u Malthus S Sangma, Secretary Meghalaya Legislative Assembly, u bah Aurelius Warlarpih, officer on Special Duty (OSD), Daman D. K.Rymmai, Deputy Secretary (R) bad bah Dilip Syiemiong, Personal Assistantjong u Lamphang. Ha kane ka jingialang palat 600 ngut ki nongmihkhmat na ki 180 tylli ki iing dorbar thawain na kylleng pyrthei ka ri ki la shim bynta, kaba la sdang kaba la sdang  naduh 5 tarik bad kan kut ha ka 12 tarik u Risaw, 2025, Ia kane ka jingïalang la pynlong da ka Parliament jong ka Barbados bad ka CPA Barbados Branch la pynlong halor mat pdeng, “Ka Commonwealth- Ka Nongïatreilang ha ka Pyrthei.”

Kane ka jingïalang ba la pynlong da ka Parliament ka Barbados bad ka CPA jingpynlong ia Barbados Branch la pynlong hapoh ka phang pdeng ba kongsan, “Ka Commonwealth – Ka Nongïatreilang ha ka Pyrthei.” Ïa ka kynhun jong ka India la ïalam da u Lamphang ka Lok Sabha, u Om Birla kynthup ïa u Deputy Chairman ka Rajya Sabha, u Harivansh Narayan ryngkat ki 36 ngut ki Presiding Officer na ki 24 tylli ki Dorbar Thawaiñ ka Jylla bad Union Territory ha kylleng ka ri India. Ka jingialang ka long kum ka rynsan na bynta ka jingiakren ha ka dorbar thawain ban ioh ka jingiatreilang bad ka jingai jingmut hapdeng ki ri ka Commonwealth. Ha baroh kawei ka jingialang la pynlong hynriew tylli ki jingialang kiba don ia ki phang halor ki mat sain pyrthei bad ki mat synshar kiba mynta.

Ka jingialang ka CPA ka thmu ban pynkhlain ia ki tnad synshar paidbah, ban kyntiew ia ka jingsynshar bakhuid bad pynshlur ia ka jingiakren ha ka iing dorbar ban weng ia ki jingeh ha ka synshar khadar.