Ïakynduh ka KSU ïa u DC, pynkynmaw ki mat jingdawa naduh u 2016

Ka Khasi Student Union North Khasi Hills District (KSU-NKHD) hapoh ka jingialam u Bah Ferdinald Kharkamni President ka la leit ban ïa kynduh syndon ïa u Deputy Commissioner ka Ribhoi u Abhilash Baranwal ban pynkynmaw biang ia ki mat jingdawa kiba ki shnong ka thain Nongpoh bad ka seng, kila dawa naduh u snem 2016 naka bynta ka jingshngain jong ki paidbah. Ha kane ka jingleit Ïa kynduh Ïa u Deputy Commissioner la ïa synran lang da u Bah James Hitler Mawphniang Secretary ka KSU-NKHD, Ka Kong B Blah Principal ka Alpha English Hr. Sec. School, Ki Nongialam Shnong Na ka Shnong Nongpoh bad kiwei kiwei. Haba kren na ka liang u Bah James Hitler Mawphniang Secretary ka KSU-NKHD, ula ïathuh ba ha kane ka jingleit ia kynduh ka Seng ka la buh iaka jingdawa ha khmat u Deputy Commissioner ban buh noh iaka jaka thoh eksamin jong ka Meghalaya Public Service Commission (MPSC) ha Nongpoh ban pynsuk ia ki samla wadkam wad jam jong ka District.

U Bah James u la Pynpaw ruh ba ka Seng ka  dawa ruh ba ha ki rukom thung kam thungjam ka dei ban long kaba khuid kaba suba bad ba dei ban pyndait ruh ia ki kor ringdur haka por interview bad khamtam eh ban buh hakhmat ia ki samla wadkam kiba dei ki nongshong shnong jongka District. U nongialam jongka Khasi Students Union, North Khasi Hills District, u samla Ferdynald Kharkamni, u la ïathuh ba ka Seng ka la pynkynmaw ruh ïa u Deputy Commissioner halor ki mat jingdawa kiba la dep ban buh naduh u snem 2016 kiba kynthup naduh jingpynbiang ia ki light ha ki jaka kiba kham kongsan jongka sor Nongpoh, ban buh ia ki Zebra Crossing ha ki jaka ba jam na shilliang sha shilliang surok, ban maramot ia ki thliew, ban shna ia ki jaka leit paidbah najrong surok (flyover footbridge), ban pyniar ia ki nala um bad ban shna bha iaki kum ki jaka iaid kjat nalor kiwei kiwei de.

U Bah Ferdinald u la kyntu ïa u Deputy Commissioner ka Ribhoi ba u dei ban shim khia ia kine kiat jingdawa jong ka Seng namar naduh ki snem kiba la dep la shu iohi ba ka NHAI kam shym la leh eiei halor kitei ki jingdawa ki dei halor ka jingshngain jong u paidbah ka thaiñ Nongpoh hynrei la shu iohi ba la shu pyn syrwa kai iaka pisa u paidbah dakaba buh ïaka Toll Plaza ban lum pisa naki Kali kiba iaid na ieng. Utei u Nongialam ka KSU u la kyntu ia u Deputy Commissioner ban shim khia ia kine ki mat jingdawa bad kyrmen ruh ba kin urlong hapoh shi bnai bad lada kitei ki mat kim urlong hapoh shi bnai ka KSU kan leit khang khyrdep noh iaka jaka khrong khajna jongka National Highway Authority of India (NHAI) ha 20 Mer Pahammawlein ha Ri Bhoi District lada ka dang iai bteng ban pynslem bad leh kum ha ki snem kiba mynshwa.