Ka kynhun rwai BLUE ba pawnam na ri England kan pynshongshit ia ki riewieid jingrwai bad ki paidbah ka jylla ha ka 11 tarik u Nohprah ha nongbah Shillong. Kane ka kynhun kan wan ha ka sien nyngkong ban leh Live Show ha ri India kum shibynta ka jingdap 25 snem ka World Tour bad na Shillong kane ka kynhun rwai kan lei sha Gangtok, Sikkim ha ka 13 tarik Nohprah bad kan pynkut ha Bangalore ha ka 14 tarik u Nohprah.
Ia kane ka jingwan pynshongshit ka BLUE hapoh Shillong, kaba la bna nam kum ka Rock Capital jong ka ri India yn pyniaid da ka Fukra, ka kompani pynbyrngia na ka jylla Assam. Kum ban pynpaw ka kynhun rwai BLUE ka la pynbna nyngkong ban wan sha Shillong ha u snem 2023, hynrei la pynkynriah noh bad mynta ka kynti kane ka kynhun ka la pynthikna ban wan sha Shillong ban pynbyrngia ia ki paidbah bad la khmih lynti kane ka Concert kan khring ia ki riewieid jingrwai na kylleng ki jylla jong ka Thain Shatei Lam Mihngi.
Ka BLUE kan leit ban rwai ha Gangtok, ka ban long ruh ha ka sien nyngkong ban long ki International Concert ha Paljor Stadium Sikkim bad kane ka concert ka long ruh kum shibynta jong ka jingrakhe ka Sikkim ia ka jingdap 50 snem. Ka kynhun BLUE kan kiew ha rynsan ha ryngkat bad ka kynhun K-Pop Everglowbad kan pynkut ha ka concert ha Bangalore ha Phoenix Marketcity.
You may also like
-
Palat T.817 klur yn pynlut ka sorkar ban siew tulop ia 23099 ki nonghikai
-
Pdiang ka sorkar ban tohkit CBI ba bthei bom ha krem Dewiong
-
Iakynduh u Air Marshal bad ki nongthoh khubor
-
Hadien shisnem tam ba pynjari President RuleThaw sorkar ka BJP ha Manipur, u Yumnam Khemchand kum CM
-
Ka New Shillong Water Supply Scheme ka kynthup 32 ki shnong