Iakren u CM bad ki ophisar halor ki skhim PHE ha Rymbai

U Myntri Rangbah ka Jylla u Conrad K Sangma, hynne ka sngi ula lum ia ka jingialang ban khmih halor ka jinglong jingman jong ka skhim sam umbam umdih kaba la pyntreikam da ka PHE Electrical Sub-Division, Rymbai. Ha kane ka jingialang la iatai sani halor ka jingtreikam jong ka Functional Household Tap Connections (FHTC) bad ia ka Rymbai Greater Water Supply Scheme. Ki heh ophisar kila pynpaw ia ki jingeh kiba la iakynduh da ka Sub Division bad pynpaw ha u Myntri Rangbah ia ka jingiaid shakhmat jong ki kam, ka jingpyndep bad ka jingbuh por ia ki skhim bapher jong ki tnad kiba don ha katei ka thain.

Ki ophisar ki la pynpaw ruh ia ka jingdonkam ban don ia ka PHE Division ha East Jaintia Hills ban lah pyntreikam bha bad ban peitngor ia ki skhim. U Myntri Rangbah ula bthah ia ki ophisar ban pynthikna ia ka jingtreikam ki FHTC ha baroh ki Anganwadi Centre bad ki skul bad ula banjur ruh ia ka jingdonkam ban iashimbyntalang ki shnong lyngba ka jingpynsngewthuh paidbah bad ka jingiadonbynta lang bad ki shnong ki thaw khnang ba ka pyntreikam ia ki skhim ka PHE kin long kiba seisoh.

Ula ong ruh, ba watla ki kam pynroi ki dang iaid shakhmat da ki tnad ki bapher bapher ka long pat kaba kongsan ban pynthikna ba ki tyllong um kidei ban ioh ia ka jingiada khnang ba ki projek kam pynroi kin ym shah pynthud ne shah ktah ki tyllong um jong ki skhim bapher jong ka PHE.