Ki Bank bapher ba ai jingshakri ha ka Jylla Meghalaya bad ha ka ri India baroh kawei ki la sdang ka jingiakhih da kaba sangeh treikam ban dawa na ka Sorkar ba ki dei ban treikam tang 5 sngi shitaïew. Ban iasnoh kti lang bad katei ka jingiakhih ki Bank kiba don ha kylleng jong ka Meghalaya ruh kila iashim bynta lang ha katei ka jingiakhih naduh ki nongtrei haduh ki ophisar ha kaba ban dawa ia ka hok ban trei tang 5 sngi ha ka shi taiew.
U Convenor jong ka United Forum of Bank Unions (UFBU) Bah Wandaplang Mawroh ula iathuh ba kila iai dawa ia ka jingdawa ban treikam tang 5 sngi ha ka shi taiew bad kumta ka sorkar kadei ban shimkhia thikna ia ka jingdawa ka jongki.Ula ong, ba kane ka jingiakhih kam dei da ka jingthmu ban pynthud ne pynjynjar ia ki paitbah hynrei kadei ka jingshim ia ka sienjam ba kin pynpaw ia ka jingdonkam ban pynbha ia ka rukom treikam treijam ha ki Bank kiba don ha kylleng jong kane ka ri.
Lah ban ong, ba kane ka jingiakhih ki ophisar bad ki nongtrei jong ki Bank ha ka ri baroh kawei, kala ktah ia baroh ki kam ki jam naduh ki kam shimet, ki kam bar ri, ki thain nyngkong bad ki cooperative bank bad kiwei kiwei hynrei la khmih lynti pat ba ki ATM, Internet Banking bad Mobile Banking kin iai bteng ban ai jingshakri ia ki paitbah.
You may also like
-
Iathir ki heh shipai Assam Rifles ban pynkhlain bad pyntbit ia ki shipai
-
Mynsaw ki khynnah skul ba kyrwit u phria bad erïong ha Jakhong
-
Kan poi ka por ngin ialeh thma na bynta ka um lada ngim iada ia ki tyllong um:DC
-
T.4.61 klur mang ban tei ia ka R&D Centre ha State Food Testing Laboratory Laboratory
-
Ka Meghalaya ka duna ki ‘Doctor Specialist’, ngi don tang 30 percent: Wailadmiki Shylla