U District Magistrate ka East Jaintia Hills, u Manish Kumar, ula pynmih ia ka hukum ba la khang pyrshah ban pyniadur Muid ne ban pyniashoh ia kino kino ki mrad ha kino kino ki tamasa ba pyllong hapoh ka District.
Ia kane ka hukum ula pynmih hapoh ka kyndon jong ka section 264 BNSS bad la maham ba kino kino kiba pynkhein ia kane, kin shah pynshitom katkum ka ain. Ha kane ka hukum, la ong ba ka jingpynlong ia kine ki jingpyniadur ne iashoh mrad, lada ailad, ka long kaba pynkhein ia ka kyndon jong ka Section 11 jong ka Prevention of Cruelty to Animals Act, 1960.
Nalor kane ka pynkhein ruh ia ka rai jong ka Supreme Court ka ri India ba la pynmih ha u snem 2014. Kane ka hukum kan treikam mardor tad haduh ban da la pynbna da kumwei pat.
You may also like
-
Ioh lum kuna ki pulit palat T.80 hajar na ki nongniah kali beaiñ
-
Donkam ka jingiatreilang na baroh ki kynhun ban pynduh jait ia u drok, ongu Conrad
-
Lyngba ka RTI, lap ka JNC palat T.400 klur ba ai jingiarap ka MEPRF ia kiba shah tih dewiong
-
Thaw ka BJP ia ka Mandal ha Mawlai, ki paidbah ki kwah skhim pynroi
-
Ym don jingthmu ban weng ia ka Open Tender: Sanbor