Ki nongtrei ka MeECL hapoh ka shatri jong ka Co-ordination Committee of Registerd MeECL Association And Union (CCORMAU) hynne ka sngi ki la pyllong ka jingiakhih ban pyrshah halor ka jingthmu ban aiti sha ka Kompeni ne ki riew shimet ban pyniaid ia ka kam sam bording ha kane ka jylla.
Ha kane ka sngi ka CCORMAU ryngkat baroh kawei ka ri India, ki la iashim bynta ha ka jingiakhih ban pyrshah ia ka jingthmu ban pynkylla ia ain Electricity (Amendment) Bill, 2025.
Haba kren sha ki lad pathai khubor u Vice President ka CCORMAU u bah Bankerlang Nari, ula ong ba ka jingpyrshah jong ki ia kane ka Bill, ka long namar ha kane ka Bill ki thmu ban aiti sha ki kompeni ban pyniaid ia ka kam sam bording.
Ula ong ban aiti ia ka kam sam bording sha ki kompeni shimet kan pyntlot ia ka jingsynshar paidbah halor ka tnad bording bad kan buh jingeh ia ki paidbah u duk u suk khamtam ki nongrep,” ula ong.
U bah Nari ula ong ba ka seng kan ieng ban pyrshah bad kan ym ailad ban shimti ki kompeni ne ki riew shimet ia ka kam sam bording ha kane ka jylla.
Katkum ka jingong u bah Nari, lada shimti ki kompeni kan buh jingeh ia u paidbah bad ka dor ruh ki lah ban buh hi maki.
“ Ngim kwah ba ka kam sam bording kan iaid sha ki kompeni shimet,” ula bynrap.
You may also like
-
Kyntait u Bah Brightstarwell ia ka khubor ban iakhun u Bah Ardent na Mawlai
-
Ki kynthei ha Jylla ki nongiada ia ka khyndew bad noh synniang ia ka rep ka riang
-
Ha Nongkhyllem la pyllait ia u khla Thapbasim bad Kyrbei
-
Ioh khusnam ‘Lifetime Achievement Award’ u Dr RS Thangkhiew halor ki kam ai jingsumar
-
Shah kem uba thmu leit Delhi ha kad liengsuin Imphal ba kit drok