Ka jingpyntrei ia ka jingkieng ba pyniasoh ia ka surok najan ka skul Anderson Higher Secondary School sha shilliang ka wah Nonbah ban leit sha Tiehsaw, ka la kylla sohpdung ia ki paidbah nongleit nongwan namar ka jingsuki palat ban pyndep ia katei ka jingtrei ha kaba kane ka jingkieng ka la sahteng mynta la kumba saw snem tam.
Ha ka jingshisha, ia katei ka jingkieng la mang tyngka bad la sdang ban shna naduh ka por ba dang long MLA u Bah Macmillan Byrsat da ka jingthmu ban pynduna ia ka jingdheng kali hapoh sor Nongstoin. Hynrei haduh mynta la kumba saw snem ei ei, ym pat lah ban pyndep ia katei ka jingkieng, kaba la pynthut ia ka leit ka wan ki kali, khamtam eh ia ka surok ban leit sha Rambrai bad ruh ia ka surok Nonbah, Upper New Nongstoin kaba la ju jia khah khah ka jingdheng kali.
Ha ka jingiakren bad ki nongpathai khubor, ki paidbah ba ju iaid lyngba katei ka surok ki la pynpaw ka jingangnud ban pyndep noh kloi ia katei ka jingkieng, khnang ba kin suk ka leit ka wan ka leit bad ban iarap ban pyllait jingdheng kali ha sor Nongstoin.
You may also like
-
Palat T.28.49 klur sam jingiarap u MR ha ka sngi rakhe dap 8 snem ka sorkar MDA
-
Sdang ka ophis DIO ia ka National HPV Vaccination Campaign
-
Kyntait u bah Paul ban iakhun MP, kwah ban bteng ka jingshakri ia ki paidbah ha Jylla
-
6 haduh 11 tarik Lber yn pyni ia ka ‘Ha Lyngkha Bneng’ ha Soso Tham Auditorium
-
Shah thombor u Registrar ka NEHU ha ki runar kah durkhmat ha Mawiong