Ka kynhun pulit Anti-Narcotics Task Force (ANTF) hynne ka sngi ka la ioh kurup u drok ba shongdor kumba T.51.13 klur na ki ar ngut ki briew ba dang wan na Mizoram ha Rattacherra, East Jaintia Hills.
Katkum ka kyrwoh na u Assistant Inspector General of Police (A) ula iathuh ki pulit ka ANTF hadien ba ki la ioh jingtip ba thikna na ki bor syntiat ki la pynlong ka jingkhynra ia ki kali ha Rattacherra bad ha kane ka jingkhynra ki la bat kawei ka Tata Sumo MZ01-M-8625 ba shong ar ngut ki briew bad u nongniah, ki la talasi ia katei ka kali bad ioh kurup 19 tylli ki synduk sabon plastik na ka kynthei ba la thep ia u drok bad suba u dei Heroin uba khia 203.7 gram.
Kumjuh la lap ia ka synduk ne Trolley jong uwei pat u nongshong kali ba don u jingdih pynbuaid ne Crystal Methamphetamine ba khia 10.145 kilo bad la suba kine briew ki dei ba don bynta bad ka kynhun khaii drok sha jylla Meghalaya bad ki kiwei.
U AIG ula iathuh ka jingkurup drok ne ki jingdih be-aiñ ba shong dor T.51.13 klur mynta ka sngi ka dei kaba heh tam ha jylla bad ki la lah ban pynpulom ia ki nongkhaii drok.
Ki pulit ki la rejistar mukotduma ha thanat ka ANTF bad ki dang pynlong ia ki jingtohkit pyrshah ia kitei ar ngut ban lap dien ia kiwei pat kiba donkti ban khaii drok.
You may also like
-
Kynnoh ka Congress ka mang tyngka ka ai jingmyntoi ia kiba don ha ka bor
-
Pynshna iing ka Rotary Club ia ka longïing ha Mynthong Jowai
-
Ka Meghalaya ka paw nam ha pyrthei na ka jain Ryndia ha Ri Bhoi: Bah F.S. Kharkongor
-
T.2.98 klur ia ka PHC, T.4.73 klur ka Stadium ha Mangsang
-
Dei ban set phatok ia u Sofior Rahman u pynkhein ia ki hok ki riewlum