U Myntri Rangbah ka Jylla Meghalaya, u Conrad K. Sangma ula kyrpad ia ki nongshong shnong ban pynneh ïa ka shongsuk shongsaiñ bad kiar na ki kam thombor na ka jingjia dang shen ha ka thaiñ.
U Myntri Rangbah ka jylla ula iathuh kham mynshwa ula ioh jingtip ba don ki kynhun bad katto katne ki riew shimet ba leit sha ka iing sah jong u da ka jingthmu ban thang bad thombor ia kiba ha iing jong u. Katkum ka jingtip ka security protocol, ka ai jingmut ban pynkynriah noh sha kawei pat ka jaka na ka bynta ka jingshngain. Hynrei ula pynpaw ba ula kyntait ban mih na iingsah ban leit sah shawei, da kaba ong ba um tieng.
U Myntri Rangbah ula ong, ba ka jingim jong u ha kaba kut ka shong ha ki kti U Trai bad ula pynpaw ba ka pateng u kpa jong u, u P.A. Sangma uba la khlad noh, ka dang iai bteng ban ai mynsiem ia u da ka jingshlur bad jingkut jingmut. U la bynrap ba u shimkhia ban trei na bynta ka jingbha jingmiat bad ka jingkiew ki paidbah ha jylla.
You may also like
-
Ioh lum kuna ki pulit palat T.80 hajar na ki nongniah kali beaiñ
-
Donkam ka jingiatreilang na baroh ki kynhun ban pynduh jait ia u drok, ongu Conrad
-
Lyngba ka RTI, lap ka JNC palat T.400 klur ba ai jingiarap ka MEPRF ia kiba shah tih dewiong
-
Thaw ka BJP ia ka Mandal ha Mawlai, ki paidbah ki kwah skhim pynroi
-
Ym don jingthmu ban weng ia ka Open Tender: Sanbor