Shim bynta 9 ngut ha ka Audition Miss Universe ha Jowai

Ha ka Audition Miss Universe Meghalaya 2026  bad Miss Teen Meghalaya 2026 ba la pynlong ha ka sngi ba ar 10 tarik ha Hall ka Tympang Iawmusiang Jowai la wan ban shim bynta kumba 9 ngut ki samla ka Rilum Jaiñtia ban pyni ia ka sap ha kum kane ka jait jingiakop.Ha kane ka Audition kine ki samla kila mih rynsan lai sien, ka round ba nyngkong dei ka introduction round, ka round ba 2 bad ba 3 pat la buh lang bad ki jingkylli iaki nongshim bynta. Haba iakren bad u State Director jong kane ka Miss Universe Meghalaya u Brian N Wallang u iathuh bala sdang iaka audition na Tura haka 7 tarik, haka 10 tarik ha Jowai bad haka 14 tarik pat mynta u bnai ha Shillong.

Ha ki Audition bala dep u ong ba ki nongshim bynta kila lehbha katkum ka bor jinglah bad u khmih lynti ba ki samla na kane ka thaiñ kin poi shaka thong ba kham shalor bad wat ban mihkhmat ruh haka rynsan International.Ha ka Audition ka ban sa long haka sngi saitjaiñ  mynta ka  taiew ha Shillong u khmih lynti ban kham bun kiba shim bynta namar u tip ba ha Shillong bun ki samla pule kiba na Rilum Jaiñtia bad Garo.U pyntip ruh ba ka final audition kan long  haka 1 tarik u bnai May, bad shwa kata yn don ka training ba 12 sngi iaki samla ba shah jied ha kaba yn sa hikai iaki  haki bynta bapher bapher. U kyrmen ba da ka  jingioh hikai jong ki haka rukom kren khana, ba lada ki  jop ne rem ruh kala iarap  hi iaki haka jingim ba shakhmat haba iadei bad ka wad kam wad jam jongki.

Shuh shuh u ong kane ka rynsan dei kaba biang tam iaki khun samla ba kin ioh mynsiem bad lah ban lehbha ialade bad ban pyni ruh shaka pyrthei ba ka Meghalaya ka dei kaei.Naka liang u Tei Hinge District Co-Ordinator u sngewkmen ba la lah ban pynlong ia kane  ka audition haki jaka bapher ka Jylla, namar kala iarap ban pynduna iaka jinglut jingsep ki khun samla kumjuh ki kmie ki kpa jong ki  khlem da hap leit sha jngai. Kumba kane ka sngi kala long kaba jop  u khmih lynti ba nangne shakhmat kane ka platform naka bynta ki khun samla ba don ka thong ban iaid shakhmat kin ioh bynta lang