Ka Meghalaya ka don kumba 443 km u pud u sam bad ka Ri Bangladesh bad kaba sah ka long satang 60 km ki jaka khappud ki bym pat ker sainar shiah. Ïa kane la pyntip da u Myntri Rangbah ka Jylla u Conrad K Sangma bad ula ong, ba ka Sorkar Jylla ha ryngkat bad ka Sorkar Pdeng ka dang pyrshang katba lah ban pyndep noh ia ka jingker sainar ha shilynter u pud bad ka Bangladesh.
U Conrad ula pyntip ba ka Sorkar ka la pyrshang ban wad ia ki lad ki lynti ban pynbeit ia ka kam ia die ia thied jaka, khnang ba yn lah ban pyndep noh ia ka jingker sainar shiah ha khappud India-Bangladesh. Ula ong sa kumba 50-60 km ka khappud ka dei ka bym pat ker sainar bad kane ka dei namar ka jingpyrshah na ki trai nongshongshnong.
“Ha kine ki jaka, ki don ki jingsngewkhia ba la pynpaw da ki trai shnong. Ka long kaba eh ia ka Jylla namar ka riti bat khyndew, kumta ngim lah satia ban shu leh da ka bor bad ngi donkam ban shim ia ka jingiatreilang ki paidbah” la ong u Conrad.
You may also like
-
4 tarik yn wan u Amit Shah ban kynduh ia 8 ngut ki MLA ba iasoh BJP
-
Thud ki nongleit nongwan ba pynieng kali jot ha surokbah Nongpoh
-
Ka SIR kan pynthikna ba ki mynder ri kin ym ioh thep vote ha Jylla: Sanbor
-
Lada nga jop kum u MP, ngan khyrwait shabi ban pynkut phet seng ki MLA, ong u bah Vivanstone
-
Sdang ka jingkem ksew surok ha Jowai ban ai Injection Rabies