U Myntri ka tnad pule puthi ka jylla u Rakkam A Sangma ula ong ba ka sorkar kam pat lah ban thung ia ki 55 tylli ki kam ha Shillong Engineering College namar ba ka dang ap ban ioh ia ka jingmynjur na ka ka All India Council Technical Education (AICTE).
Haba jubab ia ka jingkylli kaba la wanrah u MLA ka Mawlai u bah Brighstarwell Marbaniang hynne ka sngi ha Iing Dorbar, u Rakkam ula iathuh ia ka Shillong Engineering College la plie ha ka 16 tarik Kyllalyngkot, 2023 bad ki don 55 tylli ki kam ban thung hynrei ka sorkar kam pat lah ban pynmih ia ka jingpynbna ban thung kam namar ba ki dang ap ban ioh ia ka jingmynjur na ka AICTE bad ki dang hap ban pynbiang ia ka jingdonkam ka Administrative Block.
U Myntri ka tnad Pule puthi ula ong ba mar ia ka ioh ia ka jingmynjur na ka AICTE, yn sdang noh ia ka jingai jinghikai kloi katba lah ha katei ka College.
You may also like
-
Nga kyrmen ban ioh Distinction na baroh 36 constituency ha ka ilekshon MP: Dr DRL Nonglait
-
Sam jingiarap MR sha ki kynhun niam, skul ban ai jingshakri ia ki paidbah
-
Pynkup burom ka KSU ia ki samla ba leh bha ia ka JEE
-
Kem ding ka trok kit khaw FCI ha Umsning
-
Dawa u Sordar Mawsikar ban tuklar mardor ba leh donbor ki pulit Assam ha Langpih