Kum shibynta ka Azadi Ka Amrit Mahotsav, ka District Disaster Management Authority (DDMA), Nongstoin ryngkat ka jingiatreilang bad ka Civil Defence bad Home Guard, West Khasi Hills, ki la pynlong ia ka jingai jinghikai bad ka mock drill ba ar sngi ha kaba ia dei bad ka jingpyndonkam ia ka OBM (Outboard Motor 2018) kiba dei ki lieng ba pyndonkam da ki motor. Ia kane ka jinghikai la pynlong ha Dewlynnong Nongkhnum, naduh ka 3 tarik haduh ka 4 tarik u bnai Nohprah, 2024.
Ha katei ka prokram la hikai ia ki nongtrei mon sngewbha jong ka Aapda Mitra, ki nongpyniaid ia ki nongjngohkai pyrthei, ki seng, bad ki nongshong shnong jong ka shnong Nongkhnum, Diengshyieng, Dilingiem, ha ki kam pynlait im ha ka um, ka jingpyniaid kaba shngain ia ki lieng OBM, bad ki buit ban iarap kyrkieh.
Kane ka jingïalang ka thmu ban pynkhlaiñ ïa ka jingpynkhreh bad jinglah ban ïakhun jong ki paidbah lada jia ba wan lyngshop kino kino ki bor mariang kiba ïadei bad ka um. Ka DDMA ka ai khublei ia baroh ki nongiashim bynta bad ki nongiatreilang kiba la pynlong ia kane ka prokram kaba jop.
You may also like
-
Ha Tura, Jowai bad Shillong yn pynlong ia ka Audition Miss Universe Meghalaya
-
Ka NCP kam ai lad ia ki bar jylla ban iakhun MDC ha GHADC
-
Ka jingiapher ki ktien kam dei ban wanrah ka jingiapait ha ka sain pyrthei
-
Ka jingkhang tih dewiong ka long kumba knieh pliangja kam long kaba suk: Conrad
-
Byrngem VPP ban khang tala ia ka ophis JHADC, lada ym siew tulob ia ki nongtrei hapoh 16 tarik