Ha Shillong pynlong ia ka Zonal Level CRE Programme halor ka “An Integrative Approach – New Trends in Disability Rehabilitation”

Ka ophis Composite Regional Centre for Skill Development, Rehabilitation & Empowerment of Persons with Disabilities (CRCSRE) – Shillong, hapoh ka jingkhmih jong ka SVNIRTAR, Cuttack, Odisha, Tnad Empowerment of Persons with Disabilities (Divyangjan), Tnad Social Justice & Empowerment, Sorkar India,  ka la pynlong ia ka Zonal Level CRE Programme kaba ar sngi halor ka phang “An Integrative Approach – New Trends in Disability Rehabilitation” naduh ka 16 haduh 17 tarik Kyllalyngkot 2025 ha DERT Annex, Malki, Shillong, Meghalaya.

Baroh ki don 95 ngut ki briew kiba la tbit ha ka kam na kylleng ka thain shateilammihngi ki ban ioh jingmyntoi na kane ka CRE prokram. Kane ka sienjam ai jinghikai kalong kaba kongsan ha ka liang ka jingai jingiarap ha kaba iadei bad ki jingduna ha ki dkhot met.  Ki briew kiba don jingduna ha ki dkhot met bunsien ki donkam ia ka jingsumar kaba kyrpang, ki sienjam, bad jingkyrshan ban kyntiew ia ka jingim kaba kham bha bad iarap ha ka jingiashim bynta pura jong ki ha ka imlang sahlang. Kane ka prokram ai jinghikai ka thmu ban pyntbit ia ki briew kiba trei ha kane ka kam lyngba ka jingioh jingtip, ki sap treikam bad ka jingsngewlem ba donkam ban ai ka jingsumar kaba seisoh bad kaba pura.

Ia kane ka prokram la pyniaid da ka Kong Camelia Doreen Lyngwa, M.C.S., Director of Social Welfare & Commissioner for Persons with Disabilities, Sorkar Meghalaya; Kong R. Passah, Assistant Commissioner for Persons with Disabilities, Sorkar Meghalaya; bad Kong DianghunlangChyne, Architect, Office of Chief Engineer, CPWD Shillong, Meghalaya. La pynlong ia ka jingai jinghikai hapoh ka jingialam jong u Dr. Ram ShakalSahani, Director, CRCSRE Shillong, bad la iarap da ka PranamiBarua, Assistant Professor (Clinical Psychology), CRCSRE Shillong, bad u Rajesh Chettri, Assistant, CRCSRE Shillong.