Shisngi hadien ka jingshah tuh ka Grotto Chapel ka iingmane ha Laitumkhrah, ki Nongtuh kila leit phrong tuh sa iaka Iingmane ka Balang Unitarian ha Madan Laban. Kane ka long kaei kaei kaba pynkyndit ia baroh namar mynta ki nongtuh kim don jinglehrain shuh ban prong jubor bad ban tuh sa naki iingmane. Kane kala jia haka step phyrngap jong ka 28 tarik Naiwieng haka ba ki Nongtuh kila rung juibor shapoh ka Iingmane ka Balang Unitarian ha Madan Laban bad rong tuh ia bun ki tiar ki tar ba shongdor na kane ka Iingmane. Kane ka jingjia kala bud ia ka jingshah tuh na Grotto Chapel ha Laitumkhrah, kaba la pynpeit mat ia ka jingdonkam ban buh noh ia ki bor pahara ha ki jaka Mane Blei ha Shillong.
Kane ka jingjia ha Balang Unitarian kala jia hapdeng ka por 3:30 baje haduh 4:30 baje mynsteo, ha kaba ki riew runar kila rong tuh haduh 4 tylli ki khiew syntiew rnong bad artylli ki klat leh niah na ka Iingmane rim bad Iingmane thymmai. Kila kyndang ruh ia ka Library jong ka Iingmane, kaba la pynkyndit ia ki nongleit Jingialang. U Chairman ka Balang Unitarian LMB Rani ula pynpaw ia ka jingsngewsih bad sngewkhia halor kane ka jingjia bad ong “Ka long kaba sngewsih ba ym don jingmap shuh wat ki jaka Mane Blei. Ka jingbym biang ki street light ha ka thain kala pynshlur ia ki nongtuh ban leh ia kane ka kam”. Ula kyntu ia ki bor hmih ban buh noh ia ki bor pahara hajan ki jaka ba don ki Iingmane.
U Rangbah Shnong ka Madan Laban Bah Ioster Sun, ula pynrem ia kane ka jingjia bad ula kyrpad ia ki nongshongshnong ban iamih bad peit pyrman bha ha ka shnong ka thaw. U la kyntu ruh ia ka Sorkar Jylla bad Pulit ban pynjur ia ka jingiaid pahara ha ki por mynmiet. Kane ka jingjia kala jia hadien ka jingshah tuh na Grotto Chapel, ha kaba ki nongtuh kila rong tuh ia ki tiar electronic. Ki Pulit kila register case halor kine ki jingjia bad ka jingtohkit kala iaid shakhmat. Ki stad lum dak kti (finger print) kila leit ban lum ia ki sakhi satar na kane ka Iingmane.