U Nongialam ka Meghalaya BJP u Bah AL Hek ula kob ba ka Party kan thaw lane kan ïalam ia ka Sorkar hapoh ka Jylla hadien ka ilekshon MLA 2028. Ïa kane u Bah Hek ula kren ha ka por lehkmen hadien ka jingjop ka BJP ha ka ilekshon MLA hapoh ka Jylla Assam bad West Bengal.
Haba kren sha ki lad pathai khubor u Bah Hek ula ong, ba watla um kwah ban kren ne kynthoh eiei ïa kiwei ki Party hynrei ula kren shai ba ka BJP kan sa thaw Sorkar hadien ka ilekshon MLA 2028. Ula pynksan ïa kane ka jingkam jong u, da kaba ong, “Ki don bun ngut ki nongialam kiba la phone ïa nga, kiba la pynpaw ba ki kwah ban iasoh noh bad ka BJP”.
U la bynrap kine ki nongialam ba kwah iasoh bad ka BJP, ki kynthup ruh ki MLA ba mynta, ki MLA barim bad ki MDC nalor kiwei pat ki nongialam ba la rangbah. “Ngan ong biang ïa phi ha u 2028, ka BJP kan ialam ia ka sorkar jylla Meghalaya” la ong u Bah Hek.
You may also like
-
Sei soh ka jingïalang ka sorkar Meghalaya-Assam bad ka seng ki nongñiah tourist
-
T.8 klur shongdor kawei ka lieng kit briew ha Kerala
-
Ong u Bah PT Sawkmie ba u long MLA, MDC bad Minister dei na ki nonghikai
-
Ki Nonghikai ki long ki atiar ba khlaiñ ban saindur ia ka jingim ki khynnah skul: Dr C Lyngdoh
-
Ka VPP ka iuh roit ia ki bor synshar tynrai lyngba ka Land Ceiling Act: Dr OS Jyrwa