Iohi ka Vi ia ka jingkiew ba khlain jong ka data ha Assam bad ka thain shatei lamihngi, nang pynheh ia ka network footprint ha kylleng ka thain 

Ka Vodafone Idea (Vi) ka la pynmih ia ka kaiphod halor ka jingkiew kaba 65 % ha ka jingpyndonkam data ha kylleng ka Assam bad ka thain shatei lamihngi naduh u kyllalyngkot haduh u nohprah 2025, kaba pyni ia ka jing kiew ha ka jingpdiang ia ka kor dijital bad ka jingdawa kaba khlain na ka bynta ki jingshakri lyngba ki mobile network ha ka thain. Katkum ka kompani, kane ka jingkiew ka. la wan halor ki jingthmu ban pynheh ia ka network kaba neh, kaba kynthup ia ka jingpynrung ia palat 890 tylli ki jaka thymmai ha kylleng ki spectrum band ba kyrpang. Ka Vi ka la ong ba kane ka jingpynheh ka la pyniar ia ka jingpoi jong ka network jong ka sha ki 19 tylli ki shnong ba thymmai ha ka thain shatei lamihngi, ka ban nang pynkhlain ia ka jinglah ban pynpoi ia ka network bad nang pynbha ia ka jingiashem jong ki nongpyndonkam.

Kane ka nongpyntelecom operator ka la pynshong nongrim ruh ïa ka jingkiew ha ka jingpyndonkam sha ka jingkiew jong ka jingkwah jong ki nongthied na ka bynta ki unlimited data plan. Ka Vi ka la ong ruh ba dei tang kane hi ka shlem ai jingshakri telecom kaba ai unlimited 4G data plan ha Assam bad ka thain shatei lamihngi. Ka “Non-Stop Hero” prepaid plan jong ka, kaba sdang naduh ka 349, ka ai ia ka unlimited 4G data baroh shi bnai, katba ka “Hero Plans” kaba sdang ha ka dor Rs 249 ka tyrwa ia ka data kaba khlem lut haba pyndonkam ha ka por mynmiet ne ka unlimited night data, ka jingmyntoi ba lah ban ioh ha ka sngi kut taiew da kaba pynlang ia ki data kiba khlem pyndonkam baroh shi taiew ne ka weekend rollover benefit bad sa kiwei ki jingkyrshan na ka bynta ki por ba donkam kyrkieh ia ka data ne additional emergency data support.

Ha ka kyrdang jong ka ri baroh kawei, ka Vi ka la ong ba ka la pynmih sah kumba 1.3 lakh tylli ki jaka ha u snem ba la leit, ka ban nang pynkhlain ia ka jinglah jong ka network da 40%. Ka kompani ka thmu ban kot sha ka 90% ia ka jingtyrwa 4G sha ki nongshong shnong, bad ka thmu ban pynmih sah kumba 30,000 ki jaka ba thymmai lem bad ka jingpynheh sha ka 5G ha ki 17 tylli ki jaka ba kongsan ha kane ka snem mang tyngka ba mynta. 

Ha Shillong, ka jingkiew jong ka jingpyndonkam  internet hapdeng ki samla pule, ki jaka treikam ba rit, ki nongshna ia ki phlim ne ki video ban pynbyrngia ne ki content creators bad ki jaka treikam ba ia dei bad ka kam jngohkai pyrthei ka la nang pynsted ia ka jingdawa ia ka jingpyniasoh ia ka internet kaba sted ha ka nongbah jong ka Meghalaya. Ki nongkmih ia ka iew ki ngeit ba ka jingpynheh ia ka network jong ka Vi bad ka jingai unlimited data ka lah ban kham pynkhlain ia ka jingiakhun ha ka bynta ka telecom jong ka Shillong, ha kaba ki nongthied ki nang iaid sha ka jingpyndonkam jong ki data kiba heh bad ka jingioh ia ki data ba khlem jingthut.