“Ka High Court ka la shimkhia ki jingjia ia ieid samla shijur ban pyllait na ka POCSO”

Ka Chairperson jong ka Meghalaya State Commission for Protection of Child Rights (MSCPCR) ka Agatha K Sangma kaba dei ruh ka MP Lok Sabha barim na Tura ka la ong, ka Commission ka la shimkhia bad ki dkhot jong ka Commission na Ri-Bhoi District, ka la leit jurip da lade bad iakynduh ia kiba haiing hasem halor ka jingjia dang shen ba tep im ia I khylung ha Ri Bhoi District. “Ngi la shimkhia ryngkat ki dkhot na Ri-Bhoi District, ka la leit da lade bad iakynduh ia kiba haiing hasem. Ka DPCU ka la shimkhia bad ai jingiasyllok ia ka kmie ba bret ia la I Khun” la ong ka Chairperson.

Ka la bynrap kane ka jingjia ka dei kham phylla bad ka kmie ha ka jingtieng ka la shim ia katei ka rai bad ka long kaei kaei kaba sngewsih.“Nga kyrmen ka sorkar kan kynthup lang ia ki khnang ba kin lah ban shim ia ka rai” ong ka Agatha bad bynrap ka la bynrap ba donkam ai jingpynshai bad jinghikai ban tehlakam ia baroh wat ia ki lad pathai khubor.Halor ka jingkylli la ka Commission kan shim ia ki sienjam halor katei ka jingjia, ka Agatha ka la ong “Ia mynta ngim pat rai satia. Kane ka dei kawei na ki jingjia ba kham pher bad  lada ki nangiai jia, ngin hap ban leh eiei”.

Katkum ka hukum jong ka iingbishar Meghalaya High Court dang shen halor ka jingshongkha khynnah ka Agatha ka la ong, “Ka High Court ka la shimkhia ia kum kine ki jingjia iaieid samla (Romeo-Juliet) ban ym kheiñ shuh ia ki kum ki case POCSO. Ki ai ka jingiasyllok hapdeng ki shijur ki bym dei ki case POCSO wat lada ki dang khynnah”.