Ka jingslem ban ai NDC ka khanglad ban siew ia baibam ki nongtrei ba la shongthait

Ka ophis jong u Principal Accountant General (A&E), Meghalaya, hynne ka sngi kala pynlong ïa ka workshop ha Conference Hall jong ka PAG, na ka bynta ban pynbeit ryntih ïa ka rukom ai ïa ki No Demand Certificates (NDC) halor ki ram na ka bynta ki ophisar kiba dei ki nongtrei ka Sorkar Jylla.Kane ka workshop ka la pynleit jingmut ha kaba pynduna ia ka por ba donkam ban ai ia ki NDC na ka bynta ki nongtrei kiba dang trei bad kiba la shongthait ka bynta kaba kongsan ha kaba pyntreikam ha ka por kaba biang ia ki jingioh myntoi baibam tymmen ne pension.

Ka jingpynslem ha ka jingai jingmynjur ia ka NDC bunsien ka khanglad ia ka jingsiew ia ka bai bam tymmen, bad kane ka sienjam ka thmu ban weng ia kum kine ki jingeh lyngba ka jingiatreilang kaba kham bha bad ki jingpynkylla ia ka rukom treikam.U Principal Accountant General, u Deputy Accountant General (AE&VLC) u la pynpaw ia ka bynta ba kongsan jong ki NDC ha ka jingpynbeit ia ki bai bam tymmen bad kyntu ruh ia baroh ki tnad ba kin pyntreikam ia ki rukom treikam kiba bha tam kiba la iasam lang ha ki jingiamir jingmut.

 Ha kane ka jingïalang la wan ïashimbynta naduh ki ophisar jong ka ophis PAG, ka tnad kam pla tyngka jong ka jylla, bad ki Drawing and Disbursing Officer (DDO) na ka tnad ka rep ka riang ha kaba kila iamir jingmut ki la iarap ban ioh ïa ki jingtip kiba seisoh – ka jingïasam halor ki jingeh kiba don bad ki rukom treikam ban pynbha shuh shuh ïa ka rukom treikam jong ka NDC ha baroh ki tnad.La khmih lynti ba kane ka sienjam kan iarap shibun ban ai jingmynjur kham kloi ia ki NDC, ban siew ia ka bai bam tymmen ha ka por kaba biang, bad ban pynkhlain ia ki rukom pyniaid pisa ha ka Sorkar Jylla Meghalaya.