Ban ai ia ki lad jinghikai halor ki jingiada lada wan lynshop ki bor mariang khamtam na ka jingkhih jumai u ba jur, mynta ka sngi ki bor jong ka Meghalaya State Disaster Management Authority (MSDMA), Ka District Disaster Management Authority (DDMA), Ka Revenue & Disaster Management Department ha ka jingiatreilang bad ka National Disaster Management Authority (NDMA) ki la pynlong ia ka State Level Mock Drills Exercise on Earthquake Disaster ha ar tylli ki jaka ha Ri Bhoi District.
Ia kane ka State Level Mock Drills Exercise la pynlong nyngkong ha Shillong Airport, Umroi bad ha M/S Umiam Distillation Pvt Limited EPIP, Byrnihat.
Katkum ka jinghikai, ba la pynlong lyngba kane ka Mock Drills, la batai ba ka la don ka jingkhih Jumai u ba jur u ba la kot haduh 8.2 magnitude ha Shillong ha kaba la ktah ruh ha kine ki ar tylli ki jaka ha Ri Bhoi District, ka jingdon jong kiba mynsaw jong ki riew paidbah kiba la donkam ia ki jingsumar kiba kyrkieh bad don kiba lait thaw na ka jingmynsaw na ka daw ka jingdon jong ki lad jingiada.
Ha kane ka Mock Drills la wan ban shim bynta lang da u Bah A.Marthong Assistant Commissioner Ri Bhoi District, ki heh ophisar na ka Tnad Pulit, ki Nongtrei na ka Tnad ka koit ka khiah, na ka Tnad Fire & Emergency Service, ki Nongtrei na ka Bhoirymbong C&RD Block, ki Nongtrei ka Shillong Airport, Umroi lem bad kiwei kiwei ki heh ophisar.
You may also like
-
Palat 1600 ki shnong kim don Anganwadi Centre, lap ka Estimates Committee
-
Ym pat ioh jingtip ka NPP Nongpoh ia ka jingthmu pyniasoh u bah Mayral Born
-
Leit jurip u Lamphang ia ka jingtei iingdorbar thawain ha Mawdiangdiang
-
Ryngkat ki nongialam ka CBCI iakynduh u MR ia u Myntri sorkar pdeng ia ka jingthmu pyntreikam ia ka FCRA Amendment Bill ban khang bei pisa na shabar ri ia ki kynhun Khristan
-
Shong kyllain myngngor ka GTF ban pyrshah ai I’u Lumpongdeng sha ka IHCL