U Symbud Myntri Rangbah ka jylla uba khmih ïa ka Kam Pohïing (Police), u Bah Prestone Tynsong hynne ka sngi, ula ong ba ka jingtohkit halor ka jingphah mih jong kiba kam ISIS ïa ki Garo na West Garo Hills kan ïaid shakhnat bad ka sorkar jylla ka kloi ban iatreilang bad ka sorkar pdeng lada ka don jingthmu ban tohkit halor kane.
Haba kylli halor kane ka jingtah poster, u Bah Prestone ula ong, ba um pat lah ban kren eiei halor kane ka kam la ki don ki riewshim kabu bad ka long kaba donkam ban ap shwa ïa mynta namar ba ka jingtohkit ka dang ïaid shakhmat ban lap ia ka jingshisha baroh.
Kum ban shu kdew, ia kane ka poster la tah ha uwei u post elektrik lap uba don marjan ka Law College ha Araimile, West Garo Hills bad ha katei ka poster kaba kam da ka seng ISIS-K kala byrngem ia ki paid Garo ba kidei ban mih noh na West Garo Hills bad na ki jaka them kynthup ia ka Phulbari, Rajabala, Tikrikilla, Selsella, Garobadha bad Tura bad kidei ban mih noh na kitei ki jaka hapoh u snem 2027 lada ki dang ieid ia la ka jingim.
Ha katei ka poster ka la paw ka kyrteng jong u Aminur Islam, Plain Belt Area Commander bad ki pulit kila pynlong mardor ia ka jingtohkit bad ban thwet ia kiba donkti ha kaban tah ia kane ka poster kaba la py syier ia ki paidbah.
You may also like
-
T.344.4 klur mang ka sorkar ban iada ki tyllong um ka Wah Umiew bad Ganol“Ka project ban myntoi ki nongshong shnong”
-
Leit jngoh u Myntri ia ka shnong Maikhuli Bthah ia u DC ban iakren bad ka Assam ban wanrah shongsuk hapdeng ki ar District
-
Bthah u DC ia ki pulit ban khynra kam die met ha Khyndailad bad kiwei ki jaka
-
Plie u Conrad ia ka kamra ba 50 thymmai ba jingthiah ha DMCH Tura.
-
Husiar paidbah wat ngeit ia ki ‘Social Media’ peit ia ki kam, ong u Bah Prestone