U Non-Judicial jong ka Meghalaya Human Rights Commission (MHRC) u Bah H Nongpluh, IPS (Retd) hynne ka sngi u la leit kynduh burom ia u Lat ka jylla u CH Vijayashankar, ha Raj Bhavan Shillong. Ha kane ka jingiakynduh, u Bah Nongpluh u la batai ia u Lat ba ia ki jingthmu bad ki kam jong ka Meghalaya Human Rights Commission, da kaba ban jur ia ka jingpyrshang jong ka ha kaba iada bad kyntiew ia ka hok longbriew manbriew ha ka Jylla.
Kala don ka jingiakren halor ka jingdonkam ban pynthikna ia ka hok, ka jingiaryngkat, bad ka jingiada ia baroh ki nongshong shnong, da kaba pynleit jingmut kyrpang ia ki jaitbynriew kiba shah iehnoh bein bad kiba wan naki longïing ba duna ka ioh ka kot. U Lat u la iaroh ia ka bynta ba kongsan jong ka Meghalaya Human Rights Commission ha kaba weng ia ki jingeh ha kaba iadei bad ka hok longbriew manbriew bad u la pynthikna ba un iai bteng ban kyrshan ha kaba pynkhlain ia ka kamram jong ka ban pynneh ia ka hok bad ka jinglong hok ha ka jylla.
Haka jingialang la pynpaw ia ka jingkut jingmut lang ban pynroi ia ka imlang sahlang ha kaba la burom bad pynneh ia ka hok longbriew manbriew na ka bynta ka roi ka par ba pura jong ka jylla Meghalaya.
You may also like
-
Ka sain pyrthei ha jylla ka lah ban kylla
-
Ha Tura, Jowai bad Shillong yn pynlong ia ka Audition Miss Universe Meghalaya
-
Ka NCP kam ai lad ia ki bar jylla ban iakhun MDC ha GHADC
-
Ka jingiapher ki ktien kam dei ban wanrah ka jingiapait ha ka sain pyrthei
-
Ka jingkhang tih dewiong ka long kumba knieh pliangja kam long kaba suk: Conrad