Leit jngoh ka Nirmala ia ka Shri Maa Jayantee Temple ha Nartiang ba don ki Mawbynna

Ka Myntri Sorkar Pdeng ba dei khmih ia ka tnat kam pla tyngka ka Nirmala Sitharaman hynne ka sngi ka leit jngoh ia ka shnong Larnai ha West Jaintia Hills distrik bad ka la iakren bad ki nongsain dur kiba pynneh pynsah ia ki khiew iong ba pawnam jong ka Meghalaya ba la ioh jingithuh GI. Ka la leit jngoh ruh ia ka Shri Maa Jayantee Temple bad ka Nartiang heritage complex kiba pyni ia ka jingriewspah ka Meghalaya ha ka kolshor, ka jingngeit bad ka jinghiar pateng ka histori naduh hyndai. Ha ka shnongLarnaila bataiia kaSitharamanshaphang ka rukom shna khiewiong ba kyrpang, kaba la hiar bun pateng mynta bad kaba dang don ka bynta kaba heh bha ha ka kolshor bad ka kamaikajih jong ki briew kiba sah ha kane ka thain. Ki khiewiong jong ka shnong Larnai, kiba pawnambha namar ka jingdon ia ka rongiong bad ka rukom shna da ka kti, ki la ioh ia ka jingithuh Geographical Indication (GI) namar ka jinglong kyrpang bad ka bynta ba ki don ha ka kolshor.

Ka Myntri kam pla tyngka ka la ïakren bad ki nongshna ia kine ki jaitkhiew bad ki briew kiba don bynta ha kane ka kam, da kaba iarohïa ka jingpyrshang jong ki ban pynnehpynsah bad kyntiew ïa ka kam shna khiew tynrai. Ka la ong ba ki jingtip tynrai bad ki sap tynrai kum ka jingshna khiew da u dewbyrtharongiong ki dei ki jingdon jingem kiba kordor kiba ïarapïa ka kamaikajih jong ki nongshong shnong katba ki pynkhlainïa ka jinghiarpateng jong ka kam shna tiar jong ka ri India. Ka la don ka jingpyniia ka rukom shna ia kine ki khiew, ha kaba la pyni ia ki bynta bapher bapher kum ka jingpynkhreh ia ka dewbyrtha, ka jingpynwandur da ka kti bad ka jingohshrong. Ha kane ka bynta, ka Sitharaman ka la iashim bynta lang bad ki nongshna khiew bad ka la pyrshangdalade ban pynwandur hapoh ka jingbatai jong ki nongshna khiew ba la tbit. Ka la iohidaladeia ka jingtrei shitom, ka jingtbit bad ka rukom saindur kaba donkam ha kane ka rukom shna khiew. Ka la iarohia ki nongshna khiew na ka bynta ka jingpynneh jong ki ia kane ka bynta jong ka kolshor bad ka jingai jinghikai jong ki ia ki pateng ban wan. Ki nongshna khiew ki la batai shaphang ki jingshem jong ki ha ka jingpynnehia kane ka kam bad ki la kdew sha ki sienjam ba dang iai bteng ban pyniar ia ka jingpynpoi ia ki mar jong ki sha ki iew. Ha kane ka jingiakren, ka la don ka jingban jur halor ka jingkongsan jong ka jingkyrshan ia ki nongshna tiar tynrai bad ka jingkyntiew ia ki mar ba pynmih na ki thain kum ka sienjam ban pynkhlain ia ki lad kamai ha ki jaka nongkyndong bad ka jingpynneh ia ka kolshor.

Shwaia kane, ka Sitharaman ka la leitjngoh ia ka ShriMaaJayantee Temple bad ka la ai ruh ki jingduwaihangne. La ngeit ba kane ka temple ka dei kaba la palat 600 snem, bd ki briew ki burom ia ka kum kawei na ki 51 tylli ki Shakti Peetha bad ka don ia ka bynta kaba khraw ha ka niam bad ka histori. Ka temple ka ieng kum ka jingpynshishaia ka pateng ba riewspah jong ka Meghalaya ha ka liang ka jingngeit, ka kolshor bad ka histori bad ka dang iai bteng ban khring ia ki nongmane bad ki nongwanjngohkai na kylleng ka ri. Hadien kane, ka Sitharamanka la leitjngohia ki mawbynna ha Nartiang, kawei na ki jaka ba hyndai kiba kongsan tam ha ka thain shateilammihngi. Ha kane ka jingleit, ka la leitjngoh ia ka jingpyni ia ki mar jong ka Meghalaya ba la ioh jingithuh GI, ba kynthup ia ki sohniamtra Khasi, MemongNarang, shynraiLakadong, ki jainGaro, ki khiewiong na Larnaibad ka Meghalaya Chubitchi. Ka la ïakynduh bad ki nongshna tiar, ki nongthaiñjain, ki nongrep bad ki kynhun ba pynmih mar kiba ïashim bynta ha kane kajingpyni, la batai ia ka shaphang ki jinglong ba kyrpang jong ki mar, ki rukom pynmih mar tynrai bad ka jinglah jong ki ban ïohïa ka iew kaba nangroi. Da kaba sngewnguh ïa ka jingaiti, ka jingtbit bad ka mynsiem seng kam seng jam jong ki, ka la iarohïa ki namar ba ki la pynnehpynsahïa ka kolshor bad ka rep ka riang kaba kyrpang jong ka Meghalaya katba ki dang thaw ïa ki lad kamai kiba lah ban neh na ka bynta ki nongshong shnong. La batai ruh ïakaSitharamanshaphang ka jingkordor ha ka histori jong ki mawbynna haNartiang bad ka bynta jong ki ban pynnehpynsahïa ka pateng jong ka himaJaiñtiabarim. Katei ka jaka, kaba don ki mawbynna kiba bun bhakiba la pynieng ha ka por jong ki syiem Jaintia, ka pyni ia kakolshor, ki ritidustur ha ka imlang sahlang bad ka jingtei jong ki briew Jaintia bad ka dang long ka dak jong ka kolshor kaba kongsan ha Meghalaya. Ka jingleit sha ka shnong Larnai, Shri Maa Jayantee Temple bad ka Nartiang heritage complex ka la pyni ia ka dustur kaba riewspah, ki kam shna tiar tynrai, ka jingtbit ha ka kam rep, ka jinghiar pateng ka jingngeit jong ka Meghalaya bad ka pynskhem shuh shuh ia ka jingkongsan jong ka jingpynneh bad ka jingkyntiew ia ki jingdon jingem kiba kongsan jong ka jylla kiba iadei bad ka kolshor na ka bynta ki pateng ban wan.