Ki don palat 32 hajar ngut ki nonghikai hapoh ka Jylla ki bym pat pyndep katkum ki kyndon (Criteria) ban shah thung kam pura kum ki nonghikai. Ïa kane la lap katkum ka kaiphod ka tnat pule puthi ka Sorkar Meghalaya. Haba kren sha ki lad pathai khubor u Myntri ka tnat pule puthi u Bah Lahkmen Rymbui ula ong, ba ki don palat 32,000 ngut ki nonghikai ki donkam ban iakhun ia ka Meghalaya Teachers Eligibility Test (MTET) lada ki dang kwah ban bteng ia ka nonghikai.
U Bah Lahkmen ula ong, ba kito ki nonghikai ba la don ha ka kam bad kiba la pyndep ia ka eksam MTET, kim donkam shuh ban iakhun namar ki la skhem lypa ha ka kam.“Ia ka jingwad bniah la leh da ka tnat pule puthi ka Sorkar Jylla bad la lap ba ki don palat 32,000 ngut ki nonghikai kim lah ban pyndep ia ki kyndon ban shah thungkam nonghikai lane ka Teachers Eligibility Test (TET)” la ong u Bah Lahkmen.
Ula bynrap ka sorkar ka la pynkhreh ia ka eksam ban ai lad ia palat 32,000 ki nonghikai ban iakhun ia ka eksam MIET. “Nga kyrmen ba kin lah ban leh bha ia ka eksam MTET khnang ba kin ioh biang ban bteng ia ka kam nonghikai” u la ong.
You may also like
-
T.344.4 klur mang ka sorkar ban iada ki tyllong um ka Wah Umiew bad Ganol“Ka project ban myntoi ki nongshong shnong”
-
Leit jngoh u Myntri ia ka shnong Maikhuli Bthah ia u DC ban iakren bad ka Assam ban wanrah shongsuk hapdeng ki ar District
-
Bthah u DC ia ki pulit ban khynra kam die met ha Khyndailad bad kiwei ki jaka
-
Plie u Conrad ia ka kamra ba 50 thymmai ba jingthiah ha DMCH Tura.
-
Husiar paidbah wat ngeit ia ki ‘Social Media’ peit ia ki kam, ong u Bah Prestone