Pyniar tnad treikam ka NPP ha South Shillong

Ka seng sain pyrthei National Peoples Party ha ka sngi palei ka la pyniar ia ka shnad treikam da kaba pynskhem ia ki nongkitkam ba pura jong ka NPP South Shillong Block Unit hapoh ka jingialam ka President ka Kong Venetia Mawlong bad u General Secretary u Bah Mebankmen Kharkongor.

Ia kine ki nongialam bad ia ki 44 ngut ki dkhot jong ka NPP South Shillong Block Unit la pynskhem da u President ka NPP Shillong City u Bah Arnold Lanong ryngkat ka jingdonlang u Nongialam ka NPP u Bah Donkupar War, u President ka NPYF Shillong City u Bah Mayborn Rapthap, ka Kong Damelary Ryntathiang ka President jongka NPWF East Khasi Hills bad kiwei kiwei.

Ki nongkren ha ka jingialang kila kitbok kitrwiang ia ki nongialam bad ia ki dkhot jong ka NPP South Shillong bad kila kynti ia ki ba watla kane ka seng kam don satia ia kino kino ki nongmihkhmat paitbah na kane ka Constituency, hynrei kin bteng pat ban trei shitom na ka bynta ban pynkhlain ia ka seng bad khantam eh ban trei met bad mynsiem ban pynthikna ba u kyrtong ka NPP ha ka elekhon shiteng samoi jongka MP Lok Sabha u Dr DRL Nonglait un jop burom ia kane ka elekshon.

Nalor kane, kila kyntu ruh ba kidei ban leit pynsngewthuh ia ki paitbah halor ki kam kiba ka NPP kala leh na ka bynta ka roi ka par jong ka jylla bad khamtam ban ialap sha ki paitbah katei ka Constituency ba kim dei ban ngeit ne ngop ha ki khubor lamler kiba la pynsaphriang thok pyrshah ia ka seng NPP.

Ka President jong kane ka shnad treikam kaba thymmai ka Kong Venetia Mawlong kala pyntip ba kam don hapdeng ka met kaba koit ba khiah kumta kam lah ban poi sha kane ka jingialang bad ki nongialam ka NPP kila pynskhem ia kane ka shnad bad ia ki nongialam kiba hakhamt kiba kynthup ia u General Secretary u Bah Mebankmen Kharkongor, u Working President bad u Treasurer u Bah Emelan Kharkpumlong, u Vice President u Pratik Gurung bad kiwei kiwei ki nongkitkam.

Ki nongkren ha ka jingialang kila kitbok kitrwiang ia kane shnad kaba thymmai ba kan trei shitom na ka bynta ban pynkhlain ia ka seng NPP bad khantam ha kaban pynthikna ba u kyrtong ka NPP ha ka elekhon MP Lok Sabha u Dr DRL Nonglait un jop burom ia kane ka elekshon.