Ka ïingbishar ka la pyllait jamin ïa u MLA barim ka Phulbari u Esmatur Mominin halor ki mukotduma ba kynnoh pynsaphriang ïa ka jingiapher jaitbynriew ha Garo Hills, kaba la wanrah ka jingkulmar bad ka jingjulor ia ki jingtei na ka jingiakhih ki paidbah Garo ha Tura bad kiwei ki jaka.
U Sessions Judge, Tura u AM Ripnar ula pyllait jamin ia u Esmatur Mominin hadien ba ula siew mar T.80 hajar ha ki ar tylli ki mukotduma kum ka bai bah jamin.
La iathuh u Esmatur u laait jamin na baroh saw tylli ki mukotduma ba la ujor pyrshah ia u, kynthup u Mukul Sangma nongialam ka liang pyrshah bad u MLA barim ka South Tura u John Leslee Sangma bad kiwei.
Kum ban pynpaw u Mominin u la leit ban pyndem ïalade ha ki pulit ha Nongpoh, Ri Bhoi ha ka 13 tarik Iaiong, 2026 u hadien ba u la sah phet rieh na ka jingjia kulmar ha Garo Hills.
Ka jingïakynad ka sdang naduh ka 9 tarik Lber ha ka por ba u Mominin u leit ha ophis u Deputy Commissioner ha Tura ban thep kyrteng na bynta ban iakhun ilekshon MDC ha GHADC, kaba la pynlong ia ki paidbah ban pyrshah bad pynmih ia ka jingkulmar ha Tura bad kiwei ki bynta ka Garo Hills.
You may also like
-
Mad jingeh kiba leit shah sumar ha CHC Umsning ba duna Doctor
-
Lah ban ktah ka jingdon um bad ka rep ba duna ka jinghap slap ha Meghalaya
-
Pynlong ka Synjuk ki Rangbah Kur ka Bri u Hynniewtrep da ka Movement ban khanglad tuh jait ki bar jylla bad ai jaid kpa
-
Ka jingkynnoh ia ka Meghalaya ka daw ka jingshlei um ha Assam kam don nongrim: Prestone
-
Iaid beit ka ‘Public Hearing’ ka Shree Cement, siat ‘Tear Gas’ ki pulit ia ki paidbah, julor ki kali kynthup ka Ambulance ba shah kawang maw