Ka Jaintia Hills Development Society (JHDS) ryngkat ka jingiatreilang bad ka Khublei Germany mynta ka sngi ka la aiti ia ka ïing ba la shna thymmai sha kawei ka longiing ba duna ka ioh ka kot ha Shnong Khliehmyntriang East Jaintia Hill District, kaba dei ka ïing jong i kong Glory Dkhar bad u bah Hendry Siangshai kiba don 5 ngut ki khun.
Kane ka jingpynshna ïing ka Development Society lem ka Khublei Germany ka long shibynta ban noh syniang sha ka imlang sahlang khamtam ban iarap ia ki longiing ba duna ka ioh ka kot. Ia kane ka iing thymmai la syniang da ka Agathe bad u Helmut kiba na ka Ri Germany bad la pyntrei da ka Jaintia Hills Development Society kaba long kawei na ki Seng trei mon sngewbha ha Rilum Jaiñtia.
Ia kane ka iing tymmmai la kyrkhu pynkyntang da u Fr. Manbha Pakem, uba long u Director ka JHDS ryngkat ka jingiadonlang u President ka Khublei Germany, u Gerhart Albert lem ki paralok jong u kiba kynthup ia ka Ulli Albert, ka Alvira bad u Godehart.
You may also like
-
Rai ka Sorkar ban pynhiar dor ka tender na bynta ka Polo Market Complex
-
Khynra kali ki pulit ha sor Shillong, ioh lum kuna palat T.2 lak ba pynkhein ain
-
Lap ki pulit ia ka nonghikai ba jah na Guwahati ha Shillong
-
Iaid paidbah ha BJP ha Shillong, pynrem ia ka Congress bym kyrshan ia ka Womens Reservation Bill
-
Dawa ka HANM ban pynkhlain bor pahara ban shngain ki paidbah ha khappud