Sawa ka Nongbah Shillong naki jingrwai u Ed Sheeran

U nongrwai ba pawnam ha ka pyrthei u Ed Sheeran u la wanrah ïa ka + – = ÷ x Tour jong u kaba la thaw ïa ka rekod ha Shillong hadien ka Concert kaba itynnad ha Bengaluru. Ki nongkyrshan ki la ïoh ïa ka jingïakynduh kaba jan bad kaba pynkhihwin ha kaba kila ioh lad ban kynud sur jingrwai lang bad u Ed Sheeran. Kumba 30 hajar ngut ki nongwan peit kai kila iashad ïa risa lang bad u Ed Sheeran ha Madan Polo bad ka jingia kynud jingrwai ki paidbah kala sawa ha kylleng ka Nongbah Shillong. Hashuwa ba u Ed Sheeran un kiew sha rynsan, la sdang iaka Concert da ka jingshad kaba pynkhih mynsiem da ka Kayan, ka nongrwai, nongthoh jingrwai bad DJ ba don bun ki sap ba pawnam na ka bynta ka sur ba sngewtynnat jong ka bad ki jingrwai ba pynïasoh lang ïa ki jait jingrwai kum ka ‘Cool Kids’, ka sur jingrwai ‘Iris’ bad ‘Hold Me Down’.

U Ed Sheeran u la kiew ha ha rynsan da kaba phong ia ka t-shirt kaba thoh ‘Shillong’ ban ha kaba ki paidbah ruh ki la pyrta jam! u Ed u la peit shabar sha ki nongsngap bad u la ong, “Shillong phi sngew kumno? Khublei shibun eh ba phi la wan shane. Ka dei ka sien kaba nyngkong eh jong nga hangne! Nga sngewbha eh ban don hangne.” Haba rwai iaka jingrwai ‘You Need Me, I Don’t Need You’ and ‘Shape of You’ ki paidbah ruh ki la rwai ryngkat bad man la ka kyntien, kaba la thaw ïa ka kynhun jingrwai kaba la sawa slem hadien ba ka sur ba khatduh ka la long ka khyllipmat jong ka jingkmen kaba khuid, ha kaba ki nongkyrshan bad u nongrwai ki la rwai ïa ka jingrwai kaba im kumjuh.

Ka jingwanrah ïa ka jingleit jngohkai jong u Ed Sheeran sha Pune, Hyderabad, Chennai, Bengaluru na ka bynta ar tylli ki jingpyni, Shillong bad shen sha Delhi-NCR ka pynpaw ïa ka jingangnud jong ka BookMyShow Live ban pynpoi ïa ki jingïakynduh ba pawnam bad ban pyniar ïa ka jingpoi jong ki sap pyrthei sha ki nongpeitkai ba thymmai.