Ki pulit ka Mawryngkneng Police Station, East Khasi Hills hynnin ka sngi U Blei ki la kem ia 3 ngut ki nongkhaii kynja bad kiwei na Jylla Mizoram. U Superintendent of Police, East Khasi Hills, u Bah Vivek Syiem ula pyntip ba ki pulit ki la ioh bat kawei ka kali Tata Yodha ba don u nombar MZ01/Z 3654 kaba mih na Shillong ban leit sha Mizoram ha Mawryngkneng, East Khasi Hills.
La iathuh na katei kali ki pulit ki la ioh kurup u Ganja ba 10.455 kilo bad 235 bilor ka kiad phareng (750 ml) ba buh rieh ha ki shuki (Sofa Set) hapoh ka kali.Ha kane ka jingjia ki pulit ki la kem ia 3 ngut ki briew ba shong ha katei ka kali ba la ithuh kyrteng ka Sabina Lalnunmawiii 23 snem na Champhai, Mizoram, u Lalrinmawia Chenkua 19 snem na Dapchhuah, Mizoram bad u Lalrosanga 28 snem na Aizawl, Mizoram bad kurup 2 tylli ki mobile phone, kawei ka lisen niah kali, ki shuki Sofa Set bad ia ka kali Tata Yodha.
Ki pulit ki la rejistar kes pyrshah ia kitei lai ngut hapoh ki kyndon ain ka C/ No3(2)25 u/s 20b(ii)(b)/29 jong ka NDPS Act bad ka jingtohkit ka dang iaid shakhmat.
You may also like
-
T.344.4 klur mang ka sorkar ban iada ki tyllong um ka Wah Umiew bad Ganol“Ka project ban myntoi ki nongshong shnong”
-
Leit jngoh u Myntri ia ka shnong Maikhuli Bthah ia u DC ban iakren bad ka Assam ban wanrah shongsuk hapdeng ki ar District
-
Bthah u DC ia ki pulit ban khynra kam die met ha Khyndailad bad kiwei ki jaka
-
Plie u Conrad ia ka kamra ba 50 thymmai ba jingthiah ha DMCH Tura.
-
Husiar paidbah wat ngeit ia ki ‘Social Media’ peit ia ki kam, ong u Bah Prestone