Ha ka jingkhynra ki pulit hynnin ka miet ha thain Nongpoh, Byrnihat bad 12 Mer ia san ngut ki runar ba donkti lute ia uwei u heh spah ha 13 Mer Jorabat ha ka 24 tarik u Nailar, 2025 ki la ngat noh ha ka shrip jong ki pulit ka jylla Assam. Kitei san ngut ki runar ba la shah kem, lai ngut ki dei na Ri Bhoi kynthup ia u Maxxpil K Marak, u Tronit Sangma na Rajabagan, Byrnihat bad u Bojoy Thangkhiew na Pahamsyiem katba na jylla Assam ki kynthup u Nur Mohammad ba ju khot sin u Ali na Barpeta bad u Hilbert Sangma na shnong Tandu, Sonapur, Assam.
Na kitei ki runar, ki pulit ki la ioh kurup kawei ka suloi SBL, ka wait, ar tylli ki tari, kawei ka jingda khmat ne mask, ar tylli ki mobile ba tuh, ki jingdeng ksiar bad ka pisa T.2000/-. Ki bor pulit ki la kurup ruh ar tylli ki kali pyndonkam da kitei ki runar kynthup ia ka Redi-Go ba don u registration number ML-10B 7842 bad kawei ka Tata Tigor ba don u registration number ML-10B 6113.
Kum ban shu pynkynmaw ki runar bym lah ban ithuh kiba la kah durkhmat ha ka step phyrngap jong ka 24 tarik u bnai Nailar ki la leit lute ia ka iing u heh saipan ha 13 Mer Jorabat bad ioh ban rah ia ki jingdeng ksiar ryngkat ka pisa.
You may also like
-
Ka Assam Rifles ka wanrah ia ki tiar iakhun katkum ka juk mynta
-
Tang hadien 2 bnai mih thliew ka surokbah, 20 sngi ai por ka JSU ban maramot
-
Mynjur u Lat I’a Amendment Rule GHADC, ki bym dei riewlum kim ioh iakhun ilekshon MDC
-
Iakynduh ki Sengbhalang na Garo ia u Lat, kyntu pynkylla kyndon ilekshon ki kyrtong bad nongthep vote ki dei ban don ST
-
10 sngi ai por ban jurip ka tnad Tnat Urban bad DS Laitumkhrah