U MLA ka Meghalaya Bharatiya Janata Party (BJP) na South Shillong u Bah Sanbor Shullai hynne ka sngi ula shimti ia ka shuki kum u Myntri ka Tnat Animal Husbandry & Veterinary, Arts & Culture, Printing & Stationary bad Legal Metrology. Haba kren sha ki lad pathai khubor u Bah Sanbor ula iaroh ia u Myntri Rangbah Conrad K Sangma bad ia ki Nongialam ka Meghalaya BJP namar ka jingbat bad burom ia ka jingiateh kular ba la iasoi ban thaw ia ka Sorkar MDA 2.0.
U Bah Sanbor ula iathuh ka BJP ka la iasoi soskular bad ka Sorkar MDA ba ialam ka NPP, ba u Bah AL Hek un shakri kum u Myntri ha banyngkong ka arsnem shiteng bad hadien yn sa shimti u Bah Shullai ia ka bynta ba arsnem shiteng ban pynkut ia ka samoi. “Ia ka soskular la iasoi ha ka jingiadonlang u President barim ka BJP Bah Ernest Mawrie bad ia ka jingiateh kular la burom da u Myntri Rangbah Conrad K Sangma bad ki Nongialam ka Party” ula ong.
Haba kylli halor ka jingbate kam u Bah Shullai ula ong, ka jingbate kam da kongsan ha u. “Ha nga, ki tnad ba ai kim da don jingmut. Ha nga, lada phi ai tang ka Tnad Fisheries ruh nga Kmen” ula ong bad pynpaw ia ka jingkut jingmut ban shakri ia ki paidbah bad ban pyndonkam ia ka samoi treikam jong u na ka bynta ka jingmyntoi ka constituency bad ka Jylla.
You may also like
-
Shimkhia ka Sorkar Meghalaya-Assam halor ka jingïakynad ha Lapangap
-
Iaid iaid paidbah ka JSU, JNC ban pyrshah Public Hearing ka Shree Cement
-
Ha ka jingtohkit lap ksai ki pulit ba don ki briew ba shoh ia u Trophimos
-
Ai jingmut ka FKJGP ban khang 4 sngi, plie 3 sngi ia ka surok Shillong-Pynursla-Dawki
-
Rah ka Mawlai Presbyterian ha ka ïakob rwai tynrai bad u Reward ha ka iakob iathuh khana puriskam